Фарғона политехника институти

Умумий хулосалар ва хулосалар
Иқтисодиётни модернизациялаш, ишлаб чиқаришни техник ва технологик жиҳатдан янгилаш мамлакатимиз иқтисодиётига ва унинг корхоналарига иқтисодий фаолиятни янада ивожлантиришни талаб қилмоқда. Бунга саноат корхоналарида маркетинг фаолиятини ташкил этиш ва унинг самарасини орттириш орқали эришиш мумкин. Олиб борилган тадқиқотлар ва “Попдонмаҳсулотлари” акциядорлик жамияти иқтисодий-хўжалик фаолиятининг таҳлили ундаги маркетинг фаолиятини янада ривожлантириш лозимлигини кўрсатди. Шу сабабли, битирув-малакавий ишида қуйидаги мухим йўналишларни ишлаб чиқдик ва уларни ишлаб чиқаришга татбиқ этишни тавсия қиламиз:
1. Жаҳон молиявий-иқтисодий инқирози корхона ва ташкилотларнинг фаолиятида маркетинг фаолиятини кенг миқёсда қўллаш лозимлигини кўрсатди ва исботлади. Иқтисодий жиҳатдан ривожланган илғор давлатларнинг йирик фирмалари тажрибаси шуни кўрсатадики, маркетинг фаолияти корхона ва ташкилотларнинг узоқ вақт яшаб қолишига ва унумдорлигини орттириб боришига имконият яратади. Маркетинг фаолиятини амалга ошириш маркетинг назарияси ва амалиётининг равнақига боғлиқдир. Маркетинг назарияси ва амалиётининг равнақи бевосита маркетинг изланишлари ва тадқиқотлари йўналишларига боғлиқ. Ҳар бир саноат корхонаси ўзининг турли фаолиятлари қаторида маркетинг фоалиятига катта эътибор қаратиши керак ва уни мунтазам равишда такомиллаштириб бориши лозим.
2. Маркетинг – айирбошлаш йўли билан эҳтиёж ва талабларни қондиришга йўналтирилган инсон фаолиятининг тури, бозордаги барча қатнашчиларнинг ўзаро манфаатларига асосланган ҳаракатларини, талабни шакллантириш ва қондириш учун бирлаштиришдир. Маркетинг бу товар ҳаракатларининг барча босқичларини ўз ичига олувчи, талаб таклифни ўрганиш, маҳсулот ишлаб чиқариш дастурини яратиш, сотиш ва истеъмол қилиш билан боғлиқ бўлган турли хилдаги хизматлар кўрсатиш ва истеъмолдан чиққандан кейин утилизациялашни ташкил қилиш каби бозор муаммоларини ечишда яхлит тизимли ёндашишдир.
ФОЙДАЛАНИЛГАН АДАБИЁТЛАР