Фарғона политехника институти қурилиш факультети “архитектура” кафедраси

Тадқиқотнинг мақсади.
Фарғона вилояти, қадимий шахарларида анъанавий турар-жойларнинг шаклланиши, жумладан, Қўқон шаҳридаги 60дан зиёд тарихий обидаларни, хали ўрганилмаган, ўрганишга улгурилмаган турар-жойларни топиш, ўрганиш ҳамда дунё халқларига кўрсатиш ва бундай биноларимизни кейинги авлодларга қолдириш.

Тадқиқотнинг вазифалари:
Диссертация мақсадидан келиб чиққан ҳолда қуйидагилардан иборат:

• 
  қадимий шаҳарлардаги анъанавий турар-жойларнинг шаклланиши, бундай турар-жойларни сақлаш, уларнинг атрофида замонавий қадимий анъанавий турар-жойларни қайта тиклаш, ландшафт архитектурасини шакллантириш ва уйғунлаштиришнинг ўзига хос хусусиятлари очиб бериш;
  
• 
  Мустақиллик йилларида қадимий анъанавий турар-жойларни шаклланиши архитектураси бобида амалга оширилган ишларни таҳлил қилиш ва умумлаштириш;
  
• 
  қадимий анъанавий турар-жойларни шаклланиши юзасидан илғор йўналишларини аниқлаш ва уларни ривожлантириш бўйича таклифлар ишлаб чиқиш.
  
• 
  қадимий анъанавий турар-жойлар худудларини тиклашни ташкил қилиш, қадимий анъанавий турар-жойлар ҳудудларида, ландшафт архитектурасини ривожлантириш тамойиллари ва унинг ахамиятини ўрганиш;
  

Тадқиқотнинг объекти. Фарғона вилояти тарихий шаҳарларида анъанавий турар-жойлар, Қўқон шаҳри мисолида.
Тадқиқот предмети. Тарихий шаҳарлардаги анъанавий турар-жойларнинг шаклланиш усулларини илмий жиҳатдан аниқлаш, лойиҳа таклифларини ишлаб чиқишнинг чора-тадбирларини белгилашдан иборат.
Тадқиқот усуллари. Тадқиқот жараёнида тизимли таҳлил, кузатув, статистик гуруҳлаш, йўналтирилган саралаш, тажрибаларни ўрганиш, умумлаштириш ва тарихий ёндашув каби усулларидан фойдаланилади.
Тадқиқотнинг илмий янгилиги. Ҳозирги кунга қадар Ўзбекистонда меъморчилик ва шаҳарсозлик фанида Фарғона водийси, Қўқон шаҳрида қадимий анъанавий турар-жойларни сақлаш тамойиллари тарихий меъморий-режавий, лойиҳавий ва ландшафт ечимларига хос тамойиллар илмий ёритилиб, уларнинг мазмун ва моҳияти чуқур очиб берилмаган. Анъанавий турар-жойларни сақлаш тамойиллари концептуал меъморий дастури ишлаб чиқилмаган ва бунинг натижасида тариҳий қадимий анъанавий турар-жойларни сақлаш қайта тиклашнинг илмий имкониятлари яратилмаган. Мазкур диссертация ишида ушбу муаммолар илк бор бажарилади ва илмий асослаб берилади.