Фарғона давлат университети ҳузуридаги олтиариқ саноат техникуми “мутахасислик фанлар” кафедраси битирув малакавий иш

1-Боб Профессионал таълим тизимида давлат сиёсати.
1.1. Профессионал таълим тизимида давлат сиёсати.


Республикаси Президентининг 2019 йил 06 сентябрдаги «Профессионал таълим тизимини янада такомиллаштиришга доир қўшимча чора-тадбирлар тўғрисида» ги ПФ-5812-сон Фармонида профессионал таълим тизимини илғор хорижий тажрибалар асосида такомиллаштириш вазифаси белгиланган. Жумладан:
- ЮНЕСКО ташкилоти томонидан қабул қилинган Таълимнинг халқаро стандарт таснифлагичининг 3; 4; 5-даражасига мос бошланғич, ўрта ва ўрта махсус профессионал таълим босқичларини жорий қилиш орқали меҳнат бозори учун малакали ва рақобат бардош кадрлар тайёрлаш ҳамда мазкур жараёнга иш берувчиларни кенг жалб қилиш;
-жорий сақлаш, фаолиятни юритиш, моддий-техник базани мустаҳкамлаш ва кадрлар тайёрлаш харажатлари тегишли вазирлик,идораларнинг бюджетдан ташқари маблағлари, ўқувчиларни давлат буюртмаси ва тўлов-контракт асосида ўқитишдан тушадиган маблағлар ҳамда қонунчиликда тақиқланмаган бошқа манбалар ҳисобидан амалга ошириш.
Хорижий давлатларнинг таълим муассасалари билан ҳамкорликда қўшма бўлимлар (факультетлар) белгиланган тартибда ташкил этилиши билан бирқаторда, профессионал таълим муассасалари Ўзбекистон Республикаси қонунчилигига мувофиқ, ташқи иқтисодий фаолиятни амалга ошириш вазифасини белгилаб берди [3].
Ўзбекистон Республикаси Вазирлар Маҳкамасининг 2020 йил 07 августдаги "Ўзбекистон Республикасида узлуксиз бошланғич, ўрта ва ўрта махсус профессионал таълим тизимини тартибга солувчи норматив-ҳуқуқий ҳужжатларни тасдиқлаш тўғрисида"ги ВМҚ 466-сон Қарорида профессионал таълим иқтисодиётнинг ривожланиш истиқболлари ва устувор вазифаларини, замонавий техника ва технологик тенденцияларни ҳисобга олиб, меҳнат бозоридаги кадрларга бўлган реал эҳтиёж, иш берувчиларнинг таклифлари ҳамда «Ҳаёт давомида таълим олиш» принципи асосида шахсларнинг таълим олишига мўлжалланган деб қўрсатилган [4].
Ушбу Қарорда профессионал таълим тизимининг мақсад ва вазифалари белгиланиб намунавий Низомлар берилган
Ўзбекистон Республикаси Вазирлар Маҳкамасининг 2021 й 29 мартдаги 163-сон "Профессионал таълим тизимида дуал таълимни ташкил этиш чора-тадбирлари ҳақида"ги ВМҚ-163-сон Қарорида
Дуал таълим таълим олувчилар томонидан зарур билим, малака ва кўникмаларни олишга қаратилган бўлиб, уларнинг назарий қисми таълим ташкилоти негизида, амалий қисми эса таълим олувчининг иш жойида амалга оширилиши белгилаб қўйилди.
Дуал таълимни жорий этиш бўйича ташкилот ва профессионал таълим муассасаси ўртасида ,ўқувчи ва ташкилот ўртасида расмилаштириладиган шартномаларнинг намунаси вазирлик томонидан Ўзбекистон Республикаси Бандлик ва меҳнат муносабатлари вазирлиги билан келишган ҳолда тасдиқлаш белгилаб қўйилди.
Ўзбекистон Республикаси Президентининг 2020 йил 06 ноябрдаги “Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида”ги ПФ-6108-сон Фармони қабул қилинди.
Фармонда
-профессионал таълим муассасаларида ўқувчиларнинг касбий малакасини WorldSkills стандартлари асосида баҳолаш тартиби босқичма-босқич жорий қилиш ва ишчи касблар бўйича ”WorldSkills Uzbekistan” мусобақалари ўтказиш;
-профессионал таълим муассасаларига хорижий мамлакатлардаги таълим муассасалари билан ҳамкорликда қўшма таълим дастурлари асосида ўрта бўғин кадрларини тайёрлашни ташкил этиш ваколати бериш вазифалари белгиланган [5].