Fanning o’quv-uslubiy majmuasi Oliy va o’rta maxsus ta’lim vaziriligining 2016 yil 25. 08 dagi «355» sonli buyrug’i asosida tasdiqlangan namunaviy o’quv dasturiga muvofiq ishlab chiqildi

O’qituvchilarining muhim kasbiy jihatlarni shakllantirishning quyidagi tarkibiy qismlarini qayd etish mumkin:

1. Professional yo’nalish: kasb tanlashga qiziqtirish; kasbni tanlash va uni takomillashtirish; kasbni egallashga jamoaviy va individual yo’naltirish; kasb tanlash asosida o’z-o’zini baholash an’analarining o’zgarishi.

2. Professional tajriba: biror ta’lim muassasasiga kirgunga qadar mavjud bo’lgan tasavvurlarining sharoit bilan muvofiqligi.

3. Psixik jarayonlarning xususiyatlari: bilish jarayonlarining kechishi; emotsional-ruhiy jarayonlar.

4. Biopsixik hususiyatlar: kasbiy layoqatlilikni aniqlaydi.

Shu bilan birgalikda o’qituvchilarga o’zlarining muloqot malakalarini oshirish bilan bir qatorda quyidagi yana bir qancha pedagogik faoliyat uchun akademik; pertseptiv; nutqiy; tashkilotchilik; kommunikativ qobiliyatlarni ro’yobga chiqarishni ta’minlovchi ko’nikma va malakalarni egallashlariga to’g’ri keladi.

Shulardan kelib chiqqan holda Pedagogik mahoratni shakllantirish bosqichlarini quyidagicha belgilashimiz mumkin:

- mahoratli o’qituvchilar ishini kuzatib borish;

- muntazam mustaqil tayyorgarlik;

- maxsus adabiyotlarni o’rganish;

- shaxsiy faoliyatida o’qitishning yangi metodlarini qo’llash;

- o’z-o’zini tahlil qilish.

Quyidagi sxema korinishida kasbga oid mahoratini shakllantirishning shakl va usullarini izohlash mumkin.