Fanning o’quv-uslubiy majmuasi dasturi Oliy va o’rta maxsus ta’lim vaziriligining 2016 yil 25. 08 dagi «355» sonli buyrug’ining 2-ilovasi asosida tasdiqlangan namunaviy o’quv dasturiga muvofiq ishlab chiqildi

Болаларнинг тасвирий фаолиятларини ривожлантириш вазифалари.

Тасвирий фаолият машғулотларини ўтишда тарбиячи болаларнинг бошқа фаолиятларида олган билимларга таянади. Болалар тасвирламоқчи бўлган предмет ҳақида тасавурга эга бўлсалар, расм, лой ва аппликация ишларида самарали натижаларга эришиш мумкин.

Тасвирий фаолият турларининг болалар ўйини билан боғлиқлиги. Ўйин бола ҳаётида катта ўрин эгаллайди. Мактабгача таълим муассасасида турли хил ўйинлар ўтказилади: мазмунли–ролли, драмалаштириш, дидактик ва ҳаракатли.

Ҳар қандай ўйин болага завқ бағишлайди. Шундай экан, тасвирий фаолият ҳам ўйин билан боғлаб борилса, у болаларга қизиқарли ва ёқимли бўлади ва эмотсионал ҳисни уйғотади, бу эса болалар ишларининг сифатига яхши таъсир этади.

Машғулотларда ўйинли холатларни ташкил этиш яхши натижалар беради. Болалар бундай машғулотларда эркин ҳаракат қиладилар. Ўйин усули барча гурухларда қўлланилади. Бу усул ёрдамида енгил қувноқ муҳит яратилади. Болаларнинг машғулотга қизиқиши ортади, тасвирий фаолиятдаги кўникма ва малакаларини самаралилик эгаллайди. Ўйин шаклида ўтадиган машғулот болаларни қамраб олади, уларнинг эстетик, ахлқий жихатдан тарбияланишларига яхши таъсир кўрсатади.

Расм, лой иши, қирқиб ёпиштириш ўйинчоқ орқали ўйин билан боғланган бўлади. Ўйинчоқни чизиш, ясаш, қирқиб–ёпиштириш барча ёш гурух болаларида завқ уйғотади, ўйинчоқларни тасвирлаш бўйича машғулотлар йил давомида бир неча ўтказилиши мумкин. Лекин уларнинг шакли турлича бўлиши зарур.

2. Мактабгача тарбия ёшидаги болаларни ҳар томонлама тарбиялашда тасвирий фаолиятга ўргатиш методикасининг аҳамияти. Тасвирий фаолиятнинг бошқа фаолиятлар билан ўзаро боғлиқлиги. Болаларнинг тасвирий фаолиятларининг ривожлантириш вазифалари. Тасвирий фаолият–болалар билан олиб бориладиган таълим–тарбиявий ишнинг қисми сифатида. Расм, лой, қирқиб ёпиштириш ва қуриш – ясаш ишларининг бошқа машғулотлар ва фаолият турлари билан боғликлиги болалар билан олиб бориладиган таълим тарбиявий ишнинг самарадорлиги.

Мактабгача таълим муассасасида тасвирий фаолият машғулотларини ташкил этиш ва уюштириш. Машғулотдан ташқари вақтларда тасвирий фаолият.