Fanning laboratoriya mashg‘ulotlari mazmuni. Laboratoriya ishi №1 qurilish materiallarining haqiqiy zichligini va o’rtacha zichligin aniqlash

1-ish. Ohakni so‘nish tezligini aniqlash
1. Laboratoriya ishini o‘tkazishdan maqsad: Talabalarda qurilish ohagining so’nish tezligini, uning tarkibidagi so’nmagan zarrachalar miqdorini va mayinlik darajasini aniqlash to‘g‘risida tushunchani hosil qilish va ishlarini laboratoriya sharoitida tushuntirish.
2. Laboratoriya ishini o‘tkazish tartibi. Ohakning so‘nish tezligi Dyuara asbobida yoki stakan idishda aniqlanadi.Oldindan tayyorlangan ohak namunadan 10 gramm tortib olinadi va ohak kukuni Dyuara idishiga solinadi, so‘ng unga 20 ml isitilgan (20°S) suv quyiladi va shu vaqt sekundomer bilan aniqlab olinadi, keyin idishning og‘zi termometrli probka bilan yopiladi.
Ohakka suv quyilgandan boshlab, har 30 s da temperaturaning ko‘tarilishi yozib boriladi. Ushbu kuzatish temperatura pasayguncha davom ettiriladi. Idishdagi ohak suv bilan qorishtirilgandan keyin qorishmaning yuqori temperaturaga ko‘tarilishi uchun ketgan vaqt ohakning so‘nish tezligini bildiradi. Olingan natijalar jadvalga yozib boriladi va shu asosda millimetrli qog‘ozga vaqt bilan so‘nayotgan ohak temperaturasining ko‘tarilishi o‘rtasidagi bog‘lanish grafik ravishda ko‘rsatiladi.

Sinash uchun olingan kukunning og‘irligi, g	Suv miqdori, ml	Sinashning boshi (ohakka suv quyilgan payti), soat	Temperaturaning ko‘tarilishi, °C	Og‘akning so‘nish tezligi, s	Izoh