Fanlari kafedrasi mashina detallari fanidan ma’ruzalar matni angren-2008

_{O’ZBEKISTON RESPUBLIKASI XALQ TA’LIMI VAZIRLIGI} TOSHKENT VILOYAT DAVLAT PEDAGOGIKA INSTITUTI UMUMTEXNIKA FANLARI KAFEDRASI

MAShINA DETALLARI FANIDAN MA’RUZALAR MATNI


ANGREN-2008

Annotatsiya


Mashinasozlik sanoat va qishloq xo’jaligining taraqqiyot etishi zarur bo’lgan texnikaviy baza yaratadi. Shunday ekan, har bir ishchi, injener hamda olimning vazifasi zamonamiz talabiga to’la javob beradigan, yuqori unumli, mustahkam va foydali ish koeffitsienti yuqori bo’lgan yangidan-yangi mashinalar yaratishdan iborat. Buning uchun mashinalar loyihalashda ular detallarining mumkin qadar engil etarli darajada mustahkam, ishqalanishga chidamli, shakli oddiy, ishlatilishi qulay va xavfsiz, shuningdek, davlat standartlarida qo’yilgan talabalarni to’la qondiradigan bo’lishiga erishish kerak. Bundan tashqari, detallar ishdan chiqqanda yangisiga tez va oson almashtiriladigan bo’lishi ham zarur.
Tabiiyki, bunday vazifani yuqori malakali mutaxassislargina hal qila oladi. Anna shunday mutaxassislar tayyorlashda “Mashina detallari” kursi alohida o’rin tutadi. Chunki bu fan mashinalarning tarkibiy qismi bo’lgan detal, uzel va mexanizmlarning vazifasini, tuzilishini, ishlashini, yutuq va kamchiliklarini hamda ularni hisoblash yo’l yo’riqlarini o’rgatadi.
Mashina detallari bo’yicha qariyb barcha asosiy adabiyotlar rus tilida ekanligini nazarda tutgan holda mazkur metodik qo’llanma yaratildi. Ma’ruza matnida mehnat va kasb ta’limi Fani o’qituvchi va talabalarga kerakli bo’lgan asosiy nazariy va amaliy tushunchalar ko’rsatib o’tilgan.