Ғаниев Достон Абдисаттор ўғли

Тадқиқотнинг мақсади: Аҳолининг эҳтиёжманд қатламлари бандлигини таъминлашда замонавий тенденцияларни аниқлаш ҳамда Фарғона вилоятида уни такомиллаштириш йўлларини таҳлил қилиш.
Тадқиқотнинг вазифалари:
- Аҳоли эҳтиёжманд қатламлари бандлиги таъминлашнинг концептуал асосларини тахлил қилиш;
- Аҳолининг турли қатламлари билан ишлашда ижтимоий иш ҳодимларининг ўрнини кўрсатиб бериш;
- Аҳолининг эҳтиёжманд қатламлари бандлигини таъминлашнинг замонавий тенденцияларни ёритиб бериш;
- Фағона вилоятида аҳолининг эҳтиёжманд қатламларини аниқлаш орқали “Темир дафтар”, “Аёллар дафтари” ҳамда “Ёшлар дафтари” билан ишлаш меҳанизмларини такомиллаштириш;
- Ижтимоий тадбиркорлик ва Инклюзив бизнес аҳолининг эҳтиёжманд қатламлари бандлигини таъминлашнинг замонавий усули эканлигини илмий тахлил қилиш.
Тадқиқот объекти ва предмети. Тадқиқот объекти Фарғона вилояти аҳолисининг эҳтиёжманд қатламлари бандлигини таъминлаш жараёни, тадқиқот предмети бандликни таъминлашнинг замонавий тенденциялари.
Тадқиқотнинг методологияси ва методлари. Ўзбекистон Республикаси Президенти Ш.Мирзиёевнинг ижтимоий ҳимояга, таълим-тарбияга оид асарлари, Ўзбекистон Республикасининг “Аҳоли бандлиги тўғрисида” ги Қонуни, аҳолининг эҳтиёжманд қатламлари бандлигини таъминлашга қаратилган меъёрий-ҳуқуқий ҳужжатлар ҳамда ижтимоий иш фанининг тушунча ва қоидаларини идмий-назарий таҳлил қилиш ва синтез қилиш бўлди. Ишда социологиянинг классик ва замонавий назарий позициялари, маҳаллий ва хорижий тадқиқотчиларнинг ижтимоий бошқарув, ижтимоий ҳимоя, аҳоли биндлиги назариялари тахлил қилинди. Асосий тадқиқот усуллари - ижтимоий-иқтисодий ҳаёт ва бандлик муносабатлари, ижтимоий-тарихий жараёнларни таҳлил қилишга асосланган абстракт-мантиқий ёндашув бўлиб, у жамиятнинг энг муҳим соҳаси сифатида бандлик соҳасининг шаклланиши, фаолият кўрсатиши ва ривожланиши жараёнларини кузатиш имконини беради. Бундан ташқари, ҳужжатлар тахлили, социологик сўров қўлланилди, натижада минтақадаги иш билан бандлик ҳолати ҳақида муҳим маълумотлар олинди.