Фанидан таянч конспект ғ. Б. Эрназаров

Ишлаб чиқариладиган маҳсулотларнинг турини кенгайтириш

Ўзбекистонда халқ истеъмол товарлари ишлаб чиқариш жадал суръатда ривожланаётир. Бу борада, айниқса, электр техника саноати юксак натижаларга эришмоқда. Тармоққа катта ҳажмдаги инвестициялар жалб этилган ҳолда янги-янги корхоналар ташкил қилинмоқда. Энг замонавий ускуналар билан жиҳозланган бу корхоналарда экспортбоп ноозиқ-овқат истеъмол маҳсулотлари ишлаб чиқариш йўлга қўйилмоқда.“Ўзэлтехсаноат” уюшмасининг мураккаб маиший техника ишлаб чиқариш корхоналари истеъмолчиларга кўплаб турдаги маҳсулотларини таклиф этмоқда. Бу корхоналар ишлаб чиқараётган совутгич, чангютгич, газ плиталари, кир ювиш машиналари, турли техника воситалари, микротўлқинли ва электр мини-печлар ва бошқа маҳсулотлар бугунги талаб ҳамда халқаро сифат стандартларига жавоб беради. 2013 йил, айниқса, мамлакатимиз электр техника саноати учун алоҳида аҳамиятга эга бўлди. Ўзбекистонда «Artel» бренди остида мобил телефон ишлаб чиқариш йўлга қўйилди.Мамлакатимизда истеъмол товарларини ишлаб чиқариш борасида амалга оширилаётган ислоҳотлар аҳолини истеъмол товарларига бўлган талабини тўлиқроқ қондириш эришилишини таъминламоқда. Масалан, тўқимачилик, тикувчилик-трикотаж ва чарм-пойабзал саноати корхоналарини ташкил этиш ва модернизация қилиш бўйича янги инвестиция лойиҳаларини амалга ошириш мақсадида Ўзбекистон Республикаси Вазирлар Маҳкамасининг“2012-2015 йилларда ноозиқ-овқат истеъмол товарлари ишлаб чиқариш ҳажмларини кўпайтириш ва турларини кенгайтириш бўйича қўшимча чора-тадбирлар тўғрисида” 2012 йил 2 августда 234-сонли қарори қабул қилинди.Илгари юртдошларимизнинг айрим маҳсулотларга бўлган эҳтиёжи импорт эвазига таъминланган бўлса, эндиликда улар “Ўзбекистонда ишлаб чиқарилган” ёрлиғи билан экспорт ҳам қилинаяпти. 2013 йил давомида уюшма таркибидаги корхоналарда умумий қиймати 78,9 миллион АҚШ долларилик 32 та лойиҳа ҳаётга татбиқ этилгани ушбу саъй-ҳаракатлар туфайлидир. Шу ўринда бу борадаги кўрсаткич аввалги йилдагига нисбатан қарийб 3 баробар кўпайгани, уларда озиқ-овқат саноатининг барча йўналишлари қамраб олинганини алоҳида таъкидлаш жоиз.

3.