Фанидан o‘quv-uslubiy majmua termiz 2022

O‘quv fanining maqsadi va vazifasi
Hozirgi davrda O‘zbekiston jahonning ko‘plab mamlakatlari bilan, shuningdek nemis tilida so‘zlashuvchi mamlakatlar bilan keng qamrovli aloqalar o‘rnatganligi hammaga ma’lum. Shu boisdan universitetlar va pedagogika institutlar oldida katta ma’suliyatli vazifalar turibdiki, bu nafaqat lingvistik bilimlarni, balki nolingvistik bilimlarga ega bo‘lishni taqozo etadi. Bu borada Tili o‘rganilayotgan mamlakatlar mamlakatshunosligi fanining ahamiyati katta, chunki undagi qo‘yilgan vazifalar yordamida o‘xshashlik va tafovutni bilish shakllantiriladi va shu bilan birga madaniyatlararo muloqotni rivojlantiradi.
Fanning o‘qitishdan maqsad - talabalarda tili o‘rganilayotgan mamlakatlar geografiyasi, tarixi, adabiyoti, san’ati, fan va madaniyati, ta’lim tizimini shuningdek o‘zlarini o‘rab turgan atrof muhit haqidagi ma’lumotlar bo‘yicha bilim, ko‘nikma va malakalarni hamda sotsio-lingvistik va umum-madaniy kompetensiyalarini shakllantirishdan iborat.
Fanning vazifasi - talabalar dunyoqarashini, estetik didini, mustaqil fikrlash qobiliyatini, xotirasini, aqliy mehnat madaniyatini, muloqot madaniyatini, mustaqil bilim olish malaka va ko‘nikmalarini rivojlantirishdan iborat.

Asosiy qism
Ma’ruza mashg‘ulotlari
1-mavzu. “Tili o‘rganilayotgan mamlakatlar mamlakatshunosligi” fanining vazifasi, maqsadi va o‘rni („Aufgabe, Zweck und Ort des Faches "Geographiesche Lage der deutschsprächigen Länder")
Tili o‘rganilayotgan mamlakatlar mamlakatshunosligi fanining vazifasi, maqsadi va o‘rnining o‘rganish ob’ekti. Tili o‘rganilayotgan mamlakatlar mamlakatshunosligi fanini o‘qitishga yondashuvlar: kommunikativ, linvistik va madaniyatlararo muloqot.
2-mavzu. Nemis tilisi davlat tili bo‘lgan mamlakatlarning administrativ bo‘linishi (Administrative Teilung der deutschsprächigen Länder)
Germaniyaning 16 ta, Avstriyaning 9 ta viloyatlari, Shvesariyaning 26 ta va Lixtinshtaynning davlatlarining administrativ bo‘linishi va ularning xususiyatlari, madaniyati, ta’lim tizimi, poytaxtlari, sanoati, qishloq xo‘jaligi, ueografik joylashuvi, yer maydoni, aholisi, tili, landshafti.