Fanidan O`quv metodik majmua

Vatanparvarlikni tarbiyalash: vatanimiz tarixiga oid bilimlarni hozirgi vaqtda sodir bo‘layotgan muhim voqealarni ma’lum qilish; respublika, mamlakat kelajagiga qiziqishni shakllantirish; o‘z vatani, uning mehnatkash kishilari, ishlab chiqarish novatorlari bilan g‘ururlanish hissini tarbiyalash, tabiat, xalq boyligiga ehtiyotkorlik bilan munosabatda bo‘lishni tarbiyalash; vatan oldidagi burchni, uning himoyasi uchun tayyor turishni shakllantrish.
Baynalminallikni tarbiyalash: boshqa xalqlar ilm-fani, madaniyati va san’atiga qiziqishni; mehnat kishilariga chuqur hurmatni, har bir millat, elatning qadr-qimmatini, xususiyatlari, manfaatlariga e’tibor bilan qarashni shakllantirish.
Jamoaviylikni tarbiyalash: ijtimoiy ahamiyatli xulq-atvor motiv-larini tarbiyalash: o‘qish va mehnatda o‘rtoqlariga yordam ko‘rsatish odatlarini shakllantirish; jamoa oldidagi mas’uliyatni tarkib toptirish, o‘ziga va o‘rtoqlariga bo‘lgan talablikni rivojlantirish, gruppada jamoatchilik fikrini shakllantirish; o‘z jamoasi sharafini himoya qilish ehtiyojlarini tarbiyalash.
Insonparvarlikni tarbiyalashda kishilarga mehribonlik, g‘amxo‘rlik bilan munosabatda bo‘lishni; g‘ayriinsoniy xatti-harakatlarga murosasizlikni tarbiyalashni o‘z ichiga oladi.
Mehnat motivlarini tarbiyalash, mehnatga vijdonan muno­sabatda bo‘lishni tarbiyalash, jamiyat farovonligi yo‘lida ishlashga o‘z imkoniyatlariga qarab foyda keltirishni shakllantirish, mehnat kishilarning huquq va manfaatlariga hurmat bilan qarashni tarbiyalash; mehnatga bo‘lgan ehtiyojni shakllantirish; xalq xo‘jaligiga va shaxsning o‘ziga kerak bo‘ladigan kasbni o‘quv yurtida egallashga o‘quvchilarni yo‘naltirish; har qanday ishni o‘z vaqtida bajarish odatini tarbiyalash; ish natijalarini yuqori sifatli bo‘lishiga intilishni shakllantirish; kasbga bo‘lgan qiziqishni tarbiyalashni nazarda tutadi.
Bilimlar, ta’limga bo‘lgan ijodiy munosabatni tarbiyalash: bilishga bo‘lgan ehtiyojni; shaxs va jamiyat uchun muhim va zarur bo‘lgan bilimlarga yaxlit munosabatni; ta’limning butun mazmunini, dunyoqarashga doir g‘oyalarini chuqur o‘zlashtirishga bo‘lgan intilishni; hodisalarga davr talablaridan kelib chiqqan holda mustaqil baho berish ehtiyojini shakllantirish; ta’limning bilishga qiziqish, burch va boshqa motivlarini rivoj toptirishda; shaxsning ma’naviy ehtiyojlarini shakllantirishda; o‘quv faoliyat maqsadlarni qo‘ya bilish va ularga erishishga intilishni shakllantirishlarni tarbiyalashda ifodalanadi.