Fanidan O`quv metodik majmua

III.Bilimlarni mustahkamlash darsi: 1.Tashkiliy qism, 2.Uyga berilgan topshiriqni tekshirish. 3.O‘quvchilardan so‘rash, o‘quv materialini mustahkamlash. 4. Uyga topshiriq berish. 5. Darsni yakunlash.
IV.Sinash-tekshirish darsi: 1.Tashkiliy qism. 2 O‘qituvchining topshirigini tekshirish. 3.O‘quvchilarning savollariga javob berish. 4.O‘quvchilarning topshiriqlarini bajarishni tekshirish. 5. Bajarilgan ishlarni o‘qituvchiga topshirish. 6. Uyga topshiriq berish. 7. Darsni ya­kunlash.
V. Muammoli dars: 1.Tashkiliy qism. 2.Muammoni bayon qilish. 3.Muammoni hal qilish yo‘llarini ko‘rsatish va hal etish. 4.Natijalarni muhokama qilish. 5.O‘qituvchining izohlashi va umumlashtirishi. 6.Uyga topshiriq berish. 7.Darsni yakunlash.
Kasb-hunar ta’limida darslarga qo‘yiladigan talablar

Zamonaviy dars, masalan, maxsus va umumtexnika fanlari bo‘yicha dars qanday bo‘lmog‘i lozim? Eng avvalo, u hozirgi vaqtda pedagogika, psixologiya, ta’lim metodikasi erishgan yutuqlarga asoslanishi, shuningdek, o‘rganilayotgan kasb sohasidagi fan-texnika taraqqiytini jadallashtirish tendensiyasini hisobga olish kerak. Uning mazmuni va metodikasi hozirgi kunda o‘rta maxsus, kasb-hunar ta’limi muassasalari oldida turgan dolzarb vazifalarini hal qilishga qaratilmog‘i lozim.

Zamonaviy darsga qo‘yiladigan talablarni shartli ravishda quyidagi guruhlarga ajratish mumkin: g‘oyaviy-siyosiy talablar, didaktik, psixologik, ma’naviy-axloqiy, gigienik, texnik talablar.
G‘oyaviy-siyosiy talablar deganda, darslarning g‘oyaviyligi va hayotga yo‘nalganligi, ta’lim jarayonida hukumat qarorlarini amalga oshirish tushuniladi.
Didaktik talablar - dars yaxshi rejalashtirilgan, tayyorlangan, tashkil etilgan, yaxshi jihozlangan bo‘lishi va yaxshi sur’atlarda o‘tkazilish kerak.
Darsni tuzishga aniq maqsadni ko‘zlab, ilmiy asoslangan holda yondashish - bunda pedagog va o‘quvchilar birga ishlaydigan aniq sharoitning eng yaxshi varianti tanlanadi va quyidagilarini o‘z ichiga oladi:

• 
  dars vaqtidan to‘g‘ri va ratsional foydalanish;
  
• 
  darsning maqsad va vazifalarini belgilash, asosiy va ikkinchi darajali vazifalarni ajratib olish;
  
• 
  umuman va har bir struktura elementi uchun o‘quv materialini belgilab olish, o‘qituvchi o‘quv materialini tanlashda darsning maqsadi, kasb xususiyati, fan-texnika taraqqiyotining yutuqlarini e’tiborga olish;
  
• 
  asosiy didaktik tamoyillari va hozirgi zamon ishlab chiqarish talablarini hisobga olish;
  
• 
  ta’limning maqbul metod va usullarini tanlash. Metodlar o‘rganiladigan predmetning maqsadi, spetsifikasi, ta’limning maqbul sharoitlarini hisobga olib tanlanadi.
  
• 
  zarur ko‘rgazmali qurollar va ta’limning o‘qitish vositalarini tanlash.
  

Darsda o‘quvchilarning jamoaviy va individual ish formalarini birga to‘g‘ri qo‘shib olib borish zarur. O‘qituvchi o‘quvchilarga tayyor bilimlarnigina berib qolmay, balki ularni mustaqil ravishda bilimlarini to‘ldirish va chuqurlashtirishga o‘rgatish, darsning barcha bosqichlarida bilish faoliyati va faollikni shaxsiy hamda yosh xususiyatlarini hisobga olgan holda rivojlantirish kerak.
Dars paytida o‘quvchilarning o‘rganilayotgan materialni o‘zlashtirish darajasini doimiy nazorat qilish, ya’ni qaytish aloqasini o‘rnatish zarur.