Фан: сифатни бошқаришнинг статистик усуллари

“Сифатни бошқаришнинг статистик усуллари” фанни ўзлаштириш жараёнида амалга ошириладиган масалалар доирасида бакалавр:

талаба статистик усулларнинг қўллашнинг мохияти ва аҳамияти; технологик жараёнларнинг камчилигини таҳлил қилиш ва текширув ўтказиш; ишлаб чиқаришнинг статистик текшируви; технологик жараёнларни сифати ва мўътадиллигин статистик тадқиқоти ва таҳлили; назорат карталари, статистик қабул назорати; сифат функцияси (ҚФД) нинг ёйилмаси; маҳсулотни ишдан чиқишидан келиб чиқадиган вазиятлар ва характерларини таҳлил қилиш сифатни бошқаришни лойиҳалаш малакасига эга бўлиши керак.

Фаннинг ишлаб чиқаришдаги ўрни

Ишлаб чиқаришда технологик жараёнларни ва маҳсулот сифатини бошқаришда статистик усулларни қўлланилиши сифатни таъминлаш билан бир қаторда технологик жараёнларни таҳлил қилиш, маълумотларни қайта ишлаш ва олинган натижалар асосида мақбул қарорларни қабул қилиш, маҳсулот сифатини, ишлаб чиқариш технологиясига таъсирларни ўрганиш орқали маҳсулотларни сифатини ошириш ва рақобатбардошлигини таъминлаш, ишлаб чиқариш технологияларини ривожланиши билан маҳсулот сифатини бошқаришда муҳим ўрин тутади.

Шунинг учун сифатни статистик назорат орқали бошқариш жараёнларига алоҳида талаблар ва вазифалар қўйилган. Ишлаб чиқаришда статистик бошқариш асосида иқтисодий самарадорликка эришиш, технологик жараёнлар барқарорлигини таъминлаш ва унга сарфланадиган харажатларни камайтиришнинг ташкилий масалаларини ёритиб беради. Шу сабабли ушбу фан асосий ихтисослик фани ҳисобланиб, ишлаб чиқариш технологик тизимини ажралмас бўғинидир.

Маҳсулот сифати деганда, унинг вазифасига биноан муайян эҳтиёжларни қаноатлантиришга яроқлилигини белгилайдиган хоссалар мажмуаси тушунилади.

Маҳсулот сифати деганда, унинг вазифасига биноан муайян эҳтиёжларни қаноатлантиришга яроқлилигини белгилайдиган хоссалар мажмуаси тушунилади.

Маҳсулот сифати, уни ташкил этувчи буюм ва материалларнинг сифатига боғлиқ. Агар маҳсулот машинасозлик буюмларидан ташкил топган бўлса, маҳсулотнинг сифатини белгиловчи, унинг айрим буюмларининг ҳамда бирхиллик, ўзаро алмашувчанлик ва бошқа шундай хоссаларининг мажмуасидан ташкил топади. Масалан, пахта териш машинасининг сифати, уни ташкил этувчи двигателнинг, шпинделларнинг, болт ва гайкаларнинг, ғилдирак ва ундаги резина кабиларнинг сифатига боғлиқ.