Фан дастури Олий ва ўрта махсус, касб-ҳунар таълими тайёрлов йўналишлари бўйича Мувофиқлаштиручи кенгашнинг 2012 йил "24"июлдаги "3"- сон мажлис баёни билан маъқулланган

1. Умумий қоидалар
Кириш
Бозор муносабатларининг муҳим буғинларидан бири бўлган банк тизимини ислоҳ қилиш ва эркинлаштириш замирида иқтисодиётни ривожлантириш, халқаро банк тизими талабларига мос келувчи замонавий банклар фаолиятини ташкил қилиш ва улар фаолиятини янада такомиллаштириш шу куннинг долзарб вазифаларидан ҳисобланади. Жамият яхши тараққий қилган банк тизими ва банклар фаолиятига эга бўлмасдан соғлом ривожланиши мумкин эмас.
Бу вазифаларни бажариш банкларнинг актив ва пассив операцияларини, шу жумладан, ҳисоб-китоб, пул муомиласи ва касса, кредит, қимматли қоғозлар, валюта, хўжалик ва бошқа операцияларни чуқур биладиган, уларнинг ҳисобини юритадиган ва таҳлил қила оладиган ҳамда дастлабки билим ва амалий кўникмаларга эга бўлган малакали кадрлар зиммасига тушади.
Фаннинг мақсади ва вазифалари
Мазкур ўқув дастурида ўқувчиларга амалдаги тармоқ таълим стандартлари доирасида чуқур билим ҳамда амалий кўникмаларни бериш, ўқитишнинг интерактив услублари, янги авлод ахборот коммуникация технологиялари, компьютерлаштирилган дастурлар қўллаган ҳолда машғулотларни назарий, амалий дарслар кўринишида ташкил этиб чуқур назарий билимлар ва амалий кўникмалар бериш мақсад қилиб қўйилган.
Алоҳида урғу фанлараро боғланишга берилган бўлиб, бунда “Иқтисодиёт асослари”, “Иқтисодиёт назарияси”, “Бухгалтерия ҳисоби”, “Маркетинг асослари” “Менежмент асослари”, “Микроиқтисодиёт” ва “Иқтисодий таҳлил” фанларида ўтилган мавзулар фанни ўзлаштириш учун асосий замин бўлади.
Фан бўйича ўқувчиларнинг билими бўйича қуйидаги талаблар қўйилади:

• 
  дастлабки иқтисодий билимларга эга бўлиш;
  
• 
  иқтисодий категориялар, бозор иқтисодиётига ўтиш тамойилларини билиш;
  
• 
  банк фаолияти бўйича амалдаги қонунчилик ҳужжатларини билиш;
  
• 
  банк тизимини янада ривожлантириш ва эркинлаштириш борасида республикамизда олиб борилаётган ислоҳотларни билиш;
  
• 
  банк фаолиятини ташкил қилишнинг ҳуқуқий асосларини билиш;
  
• 
  банк фаолиятининг иқтисодий асосларини билиш;