Фан бўйича талабаларнинг билим, кўникма ва малакаларига қўйиладиган талаблар

9.2.Маркетингга таъсир этувчи асосий маданий қимматдорликлар
Илғор чакана сотувчилар фойда олиш ва сотиш ҳажмини ошириш ҳамда доимий харидорлар учун дўконнинг жалб этувчанлиги асосан бир неча турдаги буюмлар ҳисобига таъминланишини билишади. Ушбу буюмлар асосий товарлар дейилади. Ўхшатиш бўйича асосий қимматдорликлар деб аталувчи гуруҳ ҳам мавжуддир. Ушбу қимматдорликлар инсонлар психологиясини тушунишда муҳим рол ўйнайди ва ушбу ҳолат кўп жихатлар бўйича маркетинг бўйича мутахассислар учун муҳимдир.
Асосий қимматдорликлар маҳсулот жамиятда қандай ишлатилишини кўрсатадики. Бундай қимматдорликлар масалан, фақатгина овқатга у ёки бу маҳсулотларни ишлатиш эмас, балки айрим маҳсулотларнинг бошқалари билан мувофиқ келиши, уларни тайёрлаш усуллари, овқат ейиш вақти билан белгиланади.
Асосий қимматдорликлар савдо маркалари ва коммуникатив дастурларнинг ижобий ва салбий валентликлари таъминлашади. Америкада «Chevrolet» автомобилини «олма пироги сингари типик америкалик» деб номлашади, бироқ машхур автомобиль маркаларини бошқа овқатлар, масалан, қалдирғоч инидан тайёрланган шўрва ёки маймуннинг қовурға гўшти деб номланиши шак-шубхасиз салбий валентликни юзага келтиради (Хитой ва Африкада ушбу маҳсулотлар ижобий валентликка эгадирлар). Сотувчилар ўз савдо маркаларига нисбатан ижобий валентликни яратиш учун савдода машҳур қўшиқчилар Майкл Жексон ва спортсменларнинг Рональдо номларидан фойдаланишлари мумкин. Машҳур кишиларнинг образлари уларни ёқтирмайдиган истеъмолчиларда тескари фикр ҳосил қилмаган тақдирдагина ушбу яхши ғоя ҳисобланади.
Мақбул бўлган бозор муносабатлари маъқул келган бозор муносабатларини белгилаб беради. Японияда шарқ ва ғарб сулолаларига мансуб бўлган фирмалар гуруҳлари ўртасидаги муносабатлар шунчалик мураккаб ва қаттиқки, у ёки бу дистрибутив тармоққа киришга фақат ушбу гуруҳларнинг бирортаси билан муносабатларни яхшилаган тақдирдагина эришиш мумкин.
Иқтисодиёти ривожланган мамлакатларда битимлар илгаридан келишилган келишувлар асосида амалга оширилади. Бирор бир муаммо юзага келганда истеъмолчилар ҳуқуқларини ҳимоя қилиш агентликлари, масалан, Better Business Bureau («Чин кўнгилдан бизнес») номли агентлиги хизматларидан фойдаланиш ёки судга мурожаат қилиш мумкин бўлади. «Камбағал» мамлакатларда бундай қўллаб-қувватлаш тизимлари ривожланмаган бўлиб, кишилар географик жиҳатдан узоқ бўлган савдо муносабатларни ўрнатиш бўйича таваккалчилик қилишмайди. Либерал қонунлар мавжуд бўлган тақдирда ҳам иқтисодий операцияларни хавф-хатардан сақлаш имконияти ҳар доим ҳам бўлмайди.