|
MUHAMMAD AL-XORAZMIY NOMIDAGI
TOSHKENT AXBOROT TEXNOLOGIYALARI UNIVERSITETI
1-amaliy topshiriq
Fan:Akademik yozuv
Guruh:111-19
Bajardi:Iskandarova Asalxon
1. “Sohadagi yangiliklar” mavzusida matn tuzish.
2. Tuzilgan matnga annotatsiya yozing.
TA'LIM JARAYONLARIGA ZAMONAVIY AXBOROT-KOMMUNIKASION TEXNOLOGIYALARI ELEMENTLARINI TATBIQ QILISH
Annotasiya :Maqolada shtrix-kod tushunchasi, qo'llanilishi va o'quv jarayonlariga tatbiqi haqida fikr yuritiladi. Modulli o'qitish texnologiyasida zamonaviy ma'ruzalar, ta'limda ma'ruzalarni tutgan o'rni to'g'risida ma'lumotlar yoritilgan.
Hozirgi vaqtda Respublikamizning turli sohalarda: milliy iqtisodiyotda, sog'liqni saqlashda va ta'limda shtrix-kodlarni joriy etish tobora kuchayib bormoqda.
Shtrixli kodlash uchun yangi, zamonaviy dasturiy vositalarning paydo bo'lishi tovarlar va hujjatlarni soxtalikdan saqlashning yuqori darajadagi ishonchliligini ta'minlamoqda, bu esa bugungi kunda O'zbekiston Respublikasini iqtisodiy o'sishi uchun barqarorlikni yaratishning muhim qismi bo'lib qolmoqda.
Axborot texnologiyalarining rivojlanishi bilan mahsulotni qabul qilish, olish, jo'natish, sotish bilan bog'liq muammolarni tezroq hal qilish uchun kompyuterlarga mahsulot to'g'risidagi ma'lumotlarning tez va ishonchli kiritilishi masalasi tobora ommalashib bormoqda. Avtomatik identifikatsiya qilish texnologiyalari orasida shtrixli kodlash texnologiyasi alohida o'rin tutadi. Shtrixli kodlash texnologiyasi deganda biz shtrix-kodlardan foydalanib kodlangan ma'lumotlarni avtomatlashtirilgan hisobga olish, saqlash, qayta ishlash, uzatish va foydalanish vositalari va usullarining kombinatsiyasini tushunamiz. Yagona davlat xizmatlari portalida shtrix-kodlarni tayyorlash uchun elektron ariza yuborishni yangi xizmati paydo bo'ldi. Xizmatdan belgilangan tartibda portalda ro'yxatdan o'tgan yuridik shaxslar, GS1 Uzbekistan uyushmasining mavjud a'zolari, mahsulot nomlarining har biri uchun GTIN raqamli kodlaridan foydalanishlari mumkin. Ular EPIGA orqali "O'zstandart" agentligining shtrix-kod markaziga murojaat qilishlari va bosmaxonaga yuborishlari, etiketkalarda chop etishlari uchun har qanday ommaviy axborot vositalarida noyob shtrix-kodlarni olishlari mumkin. Moliyaviy xizmatlarning onlayn imkoniyatlarini kengaytirish maqsadida savdo terminalidan foydalanmasdan QR kod orqali yangi to'lov tizimini joriy etdi.
O'qitishning zamonaviy usullari va axborot - kommunikatsiya texnologiyalarini qo'llab, uni kasbiy faoliyatida samarali foydalanish zamon talabidir. Buning uchun ta'limning usul va vositalarini to'g'ri tanlash muhim ahamiyatga egadir. Endi ta'lim jarayonida QR kodlaridan foydalanish imkoniyati yuqori samaralarni beradi, albatta. QR kodlari o'quv jarayonida alohida ahamiyatga ega bo'lib, ta'lim sohasi uchun nihoyatda keng imkoniyatlarni taqdim qiladi:
- O'quvchi darslikni uyiga olib ketishi shart emas, bu uning vaqtini tejaydi;
- avtomatlashtirish natijasida o'quvchilarda fazoviy tasavvurlar shakllanadi;
- O'quvchilarning ish tartibini tez o'zlashtirishini ta'minlaydi;
- Fanga oid nazariy ma'lumotlar ko'rgazmali vositalar (rangli tasvirlar, ularning fazoviy ko'rinishlari) yordamida tushuntiriladi va natijada talabalarda ilmiy bilishga ehtiyoj ortadi;
- differensial va individual o'qitish jarayonini tashkil qiladi; - o'quvchilarning o'zini-o'zi nazorat qilish shakllanadi;
- o'quvchilarga fanni o'zlashtirish uchun ko'nikmalar hosil qilinadi va hokazo.
Ta'limda O'quv-tarbiya jarayonida axborot-metodik ta'minotini amalga oshirishda axborotkommunikatsiya texnologiyalarning bajaradigan asosiy vazifasi - ikki tomonlama muloqotni ta'minlashdir. Muayyan o'quv kursi bo'yicha o'qituvchi va o'quvchi orasidagi doimiy muloqot komponentlarini shakllantirishda o'qituvchi tomonidan tayyorlangan o'quv resurslariga QR kodlaridan foydalanish o'rganuvchining (o'rgatuvchining ham) faol bilish faoliyatini kuchaytiradi. O'quvchi muayyan fanlardan o'quv adabiyotidan foydalanishi uchun telefon raqami tashrifnomaning belgisiga shifrlangan bo'lib, uni tugmachani bosish orqali kontaktlar ro'yxatiga qo'shib olinadi va electron adabiyotni turli sharoitda foydalanish imkoniyati ochiladi. Rasmning QR kodi jarayonini osonlashtirishi mumkin va ma'lumotlarini himoya qilish darajasi ham oshadi: Kundalik hayotda QR kodlaridan foydalanish virtual olam va haqiqat o'rtasida yana bir aloqani yaratib, yangi imkoniyatlar ochadi.
Bu o'quvchining mustaqil ijodiy tashabbuskorlik qobiliyatini rivojlantirishga, bilimlarni mustaqil egallashga va ularni sifatli o'zlashtirish uchun shart - sharoit yaratish hamda o'qitish natijalarini tahlil qilishni avtomatlashtirishni ta'minlaydi.
Do'stlaringiz bilan baham: |
