Фалсафа 2021 №1. p65

34
Philosophy and life / ¹ 1 (12) 2021
mohiyatida, muayyan manfaatlar yashiringanligi ham ko‘zga tashlanadi. Ya’ni
postindustirial rivojlangan, axborotlashgan G‘arb jamiyati, AQSh va dunyo
davlatlariga global barqaror taraqqiyot g‘oyasi targ‘iboti va tashviqoti, asosan
ikkita katta vazifani amalga oshirish uchun zarurdir. Birinchisi – ular lokal
darajada bu konsepsiyani amalga oshirish orqali rivojlanish yo‘liga kirgan
“uchinchi dunyo” mamlakatlarining (eng avvalo, Xitoy va Hindistonning)
ularga tezlik bilan tenglashishi va o‘zib ketishga intilishlarini susaytirib,
qaramligini saqlab qolishdan iborat. Ikkinchisi – turli sabablarga ko‘ra,
nisbatan ustuvor bo‘lib: “tabiiy atrof-muhitni muhofaza qilish”, “kishilar
ehtiyojini tabiatning o‘zini o‘zi tiklash imkoniyatlariga moslashtirish”,
G‘arbning “ko‘pqavatli insoniyat” konsepsiyasini tarqatish niqobi ostida,
ularning rivojlanishni to‘xtatishga intilmoqda.
Albatta, bunday shubhali vazifalar jozibali, yorqin ranglarga bo‘yalgan
utopik-deklarativ shiorlardan iborat bo‘lsa ham, aslida global ekologik
barqaror taraqqiyotga hech qanday aloqasi yo‘q. Ya’ni, bu shakldagi utopik
mistifikatsiyalashgan tashabbuslar, ularning kelajagi haqida qayg‘uruvchi
tashkilotchilari va ijrochilarini, global baxt-saodat va umuminsoniy
manfaatlarni himoya qiluvchi zamonaviy “mas’ul qahramonlar”ga aylantirishga
xizmat qilmoqda.
Vaholanki, global barqaror taraqqiyot g‘oyasi, umuman insoniyatning:
tabiatni muhofaza qilish, resurslaridan oqilona foydalanish ehtiyoji va
maqsadidan kelib chiqqanligi; manfaatlari umumiyligi va amalga olshirish
usul-vositalari adekvatligi; jarayoni tarixiy-mantiqiy izchilligi va natijalarining
insoniyat sivilizatsiyasi kelajagini saqlab qolishga yo‘naltirilganligi; boshqa
global muammolarga korrelyasion aloqadorligi bilan xarakterlanadi va
funksional ahamiyatini konkretlashtiradi.
Agar diqqat bilan e’tibor qilinsa, “global ekologik barqaror taraqqiyot”
konsepsiyasi asosida o‘zaro bog‘liq umumiy manfaatlarga xizmat qiluvchi:
deindustriallashuv, depopulyasiyalashuv va desotsializatsiyalashuv g‘oyalari
yotganligini ko‘rish mumkin. Xususan, deindustriallashuv – “O‘sish
chegaralari”da bayon etilgan bo‘lsa, depopulyasiyalashuv – “Rim klubi”ning
dokladlari asosida vujudga kelgan globalistik hujjatlarda aks etgan,
desotsializatsiya esa, pessimistik-futurologik xarakterdagi “kelajak
ssenariylari”ni yaratishga borib taqaladi.
Insoniyat tarixida turli qabilalar, xalqlar, mamlakatlar, davlatlar
o‘rtasidagi: ijtimoiy, iqtisodiy, ekologik, siyosiy, ma’naviy-madaniy va boshqa
munosabatlar tadrijiy evolyusiyasi, jamiyatlar “ekologik global barqaror
taraqqiyotining” hozirgi bosqichini shakllantirgan. Turli tarixiy davrlarda bu
munosabatlarning muayyan yo‘nalishlari, umuman dunyo xalqlari ijtimoiy-
tabiiy hayot tarziga, xususan ularning global ekologik barqaror taraqqiyotini

---