Фалсафа – дунёкараш

3. ФАЛСАФИЙ ДУНЁКАРАШ

Фалсафа – борлик, турли шакллари орасидаги узаро алокадорликни ифодаловчи назарий карашлар системасидир. Ушбу таъриф “дунёкараш” тушунчасига берилган таърифга ухшаб кетади. Бу бежиз эмас, албатта. Чунки дунёкарашнинг тарихий типлари бир-биридан предмети билан эмас, уни англаш усуллари билан фаркланадилар. Фалсафа – донишмандлик хакидаги таълимотдир, шу боисдан у, биз таъкидлаб утганимиздек, оламни акл чиғириғидан утказиб тахлил килинади.

Дунёкарашни, айникса фалсафий дунёкарашни бир бутун килиб ушлаб турган икки кутб мавжуд: олам ва одам (ёки объективлик ва субъективлик, моддийлик ва маънавийлик, катта олам ва кичик олам ва хоказо). Шуни назарда тутган холда хамюртимиз, буюк файласуф Шайх Азизиддин Насафий бутун оламнинг узи улуғ олам (олами кубро) булса, инсоннинг узи кичик оламдир (инсони кубро), деб таъкидлайди. Бунда одам оламнинг бир булаги сифатидагина эмас, борликнинг узига хос шакли сифатида идрок этилади. Бошка нарсалардан унинг фарки шундаки, у уйлаш ва билиш, севиш ва нафратланиш, кувониш ва кайғуриш, орзу килиш ва бахтли булиш имконига эга. Ушбу карама-карши кутблар орасидаги турли муносабатлар фалсафанинг бахс мавзуини ташкил этади.
Фалсафа учун характерли булган баъзи саволларга назар ташлайлик. Ширинлик – шакарнинг объектив хоссасими ёки одамнинг субъектив туйғусими? Гузаллик – нарсаларга хос хусусиятми ёки инсон томонидан уйлаб топилган мезонми? Чукуррок карасак, бу ва бунга ухшаш саволлар бир умумий муаммога – борлик ва онг, объективлик ва субъективлик, олам ва одам орасидаги узаро муносабатларларга тааллуклидир. “Фалсафанинг вазифаси, - деб ёзган эди Бертран Рассел, - ушбу саволларга жавоб бериш ёки хеч булмасауларни тадкик этишдан иборатдир”. Бундан хулоса шуки, “олам-одам” муаммоси универсал характерга эга булиб, хар кандай фалсафий муаммонинг умумий формуласи деб хисоблаши мумкин. Шунинг учун хам уни фалсафанинг асосий масаласи деб аташади.
Баъзида нега айнан шу масала фалсафанинг асосий масаласи деб хисобланишини укиб олиш кийин булади. Фалсафа икки ярим минг йилдан бери мавжуд, бирок узок муддат давомида ушбу масала файласуфлар томонидан кун тартибига куйилмаган. Купгина файласуфларбу масалани хал килишга хам интилмайдилар. Масалан, Альбер Камюнинг фикрича, фалсафанинг асосий муаммоси “инсон узи учун берилган умрни яшаб утиши керакми ёки бунинг хожати йукми?” – деган саволдан иборатдир.
Хуш, унда олам ва одам орасидаги муносабатларни урганишни фалсафанинг асосий масаласи деб таъкидлашга асос бормикан? Файласуфларнинг купчилиги бу масалага туғридан-туғри жавоб беришга интилмаган булсаларда, бир нарса ойдек равшан булиб турибди: олам ва одам орасидаги муносабатлар муаммоси узига хос характерга эга. Гап шундаки, “олам – одам” узаро муносабати хар кандай фалсафий мулохазанинг негизини ташкил этади. Бу муаммони маълум шаклда ифодаламокчи булсак, унинг бир неча бошка саволлар билан боғлик эканлигига амин буламиз.
“Олам-одам” муносабатларини уч асосий типга булиш мумкин: гнесиологик (билишга доир), аксиологик (кадриятларга доир), праксеологик (амалиётга доир). Уз вактида буюк немис мутафаккири Иммануил Кант фалсафа учун принципал ахамиятга эга булган уч саволни айтиб утган эди. Улар куйидагилар: “Нимани билишим мумкин?”, “нима килишим керак?”, “Нимага умид килишим мумкин?”. Саволлар мохиятига чукуррок назар ташласак, улар одамнинг оламга булган муносабатларининг уч типига мос тушига ишонч хосил киламиз.
Фалсафий билиш “Олам нима?”-деган саволга жавоб беришдан бошланади. Бу савол мохиятан “Биз олам хакида нималарни биламиз?”- деган савол билан туташдилар. Фалсафа – бундай саволга жавоб излайдиган ягона билим сохаси эмас. Асрлар давомида янги ва янги назария ва амалиёт натижалари унга жавоб беришга уриниб курдилар. Бирок фалсафанинг оламни билиш борасидаги вазифаларни узига хос хусусиятга эга булди.
Фалсафанинг шаклланиши – назарий тафаккур тарихида ягни боскич булди. Узга билим сохаларига нисбатан кейинрок етукликка эришгани туфайли фалсафа узок йиллар давомида универсал назарий билим сифатида хукм сурди. Аристотельнинг фикрига кура, алохида фанлар борликнинг конкрет шаклларини ургансалар, фалсафа энг умумий принципларни аниклашга интилади. Кант эса фалсафани турли билимларнинг синтези деб хисобларди. Шунинг учун фалсафанинг мухим вазифаси, унинг фикрича, катта микдордаги риционал билимларга эга булиш ва уларни ягона ягона бутунликка бирлаштиришдан иборат булмоғи зарур. Фалсафа ва факат фалсафага узга фанларга системали бирлик ато эта олади.
Назарий – фалсафий билимнинг бошка вазифалари хам бор. Бундай билим ёрдамида кишиларда уз дунёкарашларини муттасил кенгайтириб боришга эхтиёж вужудга келади. Фалсафий тафаккур атроф – мухитни урганиш билан чекланиб колмай, макон ва замоннинг беназир томонларига назар ташлашга харакат хам килади. Буни файласуфлар интелектнинг тажрибасиз билим йиғишга булган кобилияти деб атайдилар. Хакикатдан хам, оламни маконда тубсиз, замонда чексиз яхлитлик сифатида билиш учун хеч кандай тажрибага таяниб булмайди. Тажриба бундай билимларни дунёга келтира олмайди, фалсафа эса бунинг уддасидан чикишга мажбур.
Кантнинг “Нимани билишим мумкин?” – деген саволига кайтсак. Бу савол инсон билишининг имкониятларига хам тааллукли. Уни катор саволлар билан боғлаш мумкин: “Оламни билиб буладими?”, “Инсон билишнинг имкониятлари чексизми?”, “Агар оламни билиб булса, унда бу вазифани фан кай тарзда, фалсафа кай тарзда бажармоғи лозим?”, “Билимларнинг” хакконийлигини кандай аникласа булади?, “Билиш услублари кандай булмоғи лозим?” ва хоказо.
Бу саволларнинг барчаси фалсафий муаммолар туркумига киради ва чукуррок назар ташласак, уларда хам “олам-одам ” узаро муносабатлари борлигига амин буламиз.
Оламни билиб булади, деб хисобловчи файласуфларнинг позицияларига зид йуналишлар хам бор.Бу карашлар системасининг бирини скептцизм деб атасак, иккинчисини агностицизм деймиз.
Дархакикат, оламни билиш билан боғлик саволлргам жавоб бериш мушкул. Кант буни нихоятда яхши тушунар еди. Фан ва фалсафанинг кудратига юкори бахо берар экан, у билишнинг чегараси бор, деган хулосага келди. Йигирманчи аср файласуфлари бу фикрлаги рационал мағизни узок йиллар англаб ета олмадилар. Уз мохиятига кура, Кантнинг позицияси окилона огохлантиришдан иборат эди. “Инсон, куп нарсани билиб олганингга карамай, билмаган нарсаларинг хали бенихоялигича колмокда, бу ароликда яшаш – сенинг такдирингдир”, - демокчи эди у.
Фалсафий мулохаза юритишнинг мазмунини билишга оид вазифалар билан чекланиб колмайди. Билимсиз файласуф булишнинг имкони йук, лекин факат билим ёрдамидагина файласуф булиб булмайди. Донишмандликни билимдан эмас, турмуш тарзидан изламок зарур. Хакикий файласуф факат суз билан эмас, иш билан хам тарбиялайди.
Фалсафа – мукаммал донишмандлик ғоялари йиғиндисидир. У инсон тафаккурининг олий максадини ахлокий кадриятлар билан боғловчи воситадир. Шунингдек, фалсафа ахлокий кадриятларни хам асослаб беради.
Хуш, фалсафий изланишнинг олий максади нимадан иборат? Кантнинг “олам – одам” узаро муносабатларига доир уч саволини эслайлик. Буюк мутафаккир ушбу уч савол устида бош котирар экан, уларнинг барчаси битта – “Инсон нима”? деган туртинчи саволни туғдиришини курсатиб утади. Куриниб турибдики, Кант инсонни олий кадрият деб эълон килади. Фалсафанинг максади хам инсон, унинг ахлокий маъсулияти хакида фикр юритиш, билм йиғишдан иборатдир.
Хуллас, фалсафий дунёкараш – назарий системалаштирилган, изчил, асосланган карашлар йиғиндисидир. Унда икки кутб мавжуд: олам ва одам. Фалсафанинг асосий масаласи ана шу икки кутб орасидаги узаро муносабатни тадкик этишдан иборат. Бу масала бир неча саволлар туркумига булинади ва оламни фалсафий билишга ундайди.