Fakultetlararo jismoniy madaniyat va sport

Vositalar:
1. Yuqori startdan va past startdan turli miqdordagi va balandligi har xil g’ovlarlar ustidan yuqori tezlikda o’tish.
2. Oralaridagi masofa qisqartirib va oshirib qo’yilgan, balandligi har xil g’ovlar ustidan yugurib o’tish.
3. G’ov osharning maxsus mashqlari.
Metodik ko’rsatmalar. G’ovlarlar osha yugurish texnikasini o’rganayotganda g’ov ustidagi harakatlar uzluksiz bo’lishiga, g’ovlarlar orasidagi yugurish ritmi esa, g’ovlarlardan o’tishga mos bo’li­shiga erishmoq kerak. Shu bilan birga, U.O.M. ortiqcha tebranmasligi kerak. Qishki va bahorgi trenirovkalar paytida ko’p narsaga erishish mumkin, lekin texnikani uzil-kesil takomillashtirish stadionda to’liq masofani yugurib o’tish bilan ta’minlanadi.
Yugurish texnikasi va ritmini takomillashtirish bilai mashg’ulotning boshida yuguruvchi charchamasdan oldin shug’ullangan yaxshi; buning uchun uch-beshta g’ov etarlidir. Boshda harakatlar sal yuqori tezlikda, keyin esa maksimal tezlikda bajariladi. Yugurish tezligi, g’ovdan o’tish texnikasi va ritmi bir-biriga juda ham bog’liqdir. Shuning uchun uzoq vaqt tezlikka e’tibor bermay, faqat texnikani takomillashtirish ustida ishlash yoki buning aksicha yo’l tutish mumkin emas.
Texnikani yaxshilashga mo’ljallangan mashqlar oldidan xamma vaqt muskullar qayishqoqligini va bo’g’inlar harakatchanligini o’stiradigan maxsus mashqlardan iborat razminka qilish kerak. Bunday razminkaga yuqori startdan yugurib, 3—5 ta g’ovdan osongina va engil o’tadigan bir nechta mashq qo’shiladi.
Startga va dastlabki ikki g’ovdan o’tishga alohida e’tibor berish lozim. Texnikani ba’zida yuqori startdan yugurib takomillashtirsa ham bo’ladi. Bunda yuguruvchining trenirovkada zarur bo’lgan ish qobiliyati saqlab qolinadi. G’ov oshar g’ovga juda qattiq tegib ketganda ham, masofada qo’shilib ketganda ham yugurishni davom ettiraverishga o’zini o’rgata borishi lozim.
Past start va birinchi govgacha yugurish ritmi yugurishning eng og’ir va muhim qismi bo’lgani uchun, musobaqadagi muvaffaqiyat ko’p jihatdan shunga bog’liq bo’lgani uchun, bularni o’rganib olishga alohida vaqt ajratish kerak bo’ladi. Birinchi g’ovgacha ham, g’ovlarlar orasida ham qadamlar qanday bo’lishining optimal hisobiga katta ahamiyat berish kerak.
G’ovlarlar osha yugurish texnikasini bilib olish, uni takomil­lashtirish uchun maxsus mashqlarni sistematik ijro etib turish kerak.