Fakultetlararo jismoniy madaniyat va sport

1.4. 400 m ga G’ovlar osha yugurish texnikasi

400 m ga yugurayotganda g’ovlardan (91,4 sm) o’tish texnikasi odatda 100 m va 110 m ga yugurishdagi texnikaga to’g’ri keladi. Past bo’yli yuguruvchilarda esa ko’proq 110 m ga yugurishdagi texnikaga yaqinroqdir.

Start va start tezlanishi; Yugurish, 400 metrli tekis yugurishdagidek, past startdan boshlanadi. Startda oyoqlarni to’g’ri joylashtirib, birinchi g’ovqacha necha qadam qo’yishni hisoblab olish kerak.
Start tezlanishidan keyin yuguruvchi keng, erkin qadam bi­lan yugurishga o’tadida, masofani oxirigacha shunday yugurib o’tadi. Birinchi g’ovgacha bo’lgan 4-5 m masofa odatda 22 qadamda yugurib o’tiladi. Qadamni to’g’ri hisoblab, shunday qadam qo’yish odat bo’lib qolsa, bu depsinish joyiga aniq qadam qo’yishga yordam beradi. 400 m ga yugurishda birinchi g’ovgacha qadamlarni taqsimlanish namunasi (sm): 65, 115, 124, 126, 146, 164, 174, 187, 198, 200, 225, 231, 234, 229, 228, 243, 230, 236, 233, 236, 241, 219 va g’ovga tomon depsinishi 206 sm.
Depsinish va g’ovdan o’tish. G’ovdan 200-220 sm beridan depsiniladi. G’ov ustiga o’tish paytida silkinish oyoq 200 m ga g’ovlar osha yugurishdagiga qaraganda yuqoriroq ko’tariladi. Gavda g’ov tomonga faol engashadi. Qo’llar harakati 80-200 m ga yugurishdagi kabi. Depsinuvchi oyoq g’ov ustidan 200 m ga yugurishdagiga qaraganda yuqoriroq olib o’tiladi. G’ovdan keyin 130-150 sm nariga oyoq qo’yiladi.