Fakultet: Farmaciya

Pektin-(Pectinum).
Bul zat aziq-awqat sanaatinda isletilgen.1933-jildan A.Katalxerman ta`repinen da`rixanda emulgator sipatinda qollaniladi.Pektinnin` aktiv jelatinli qa`siyetin pa`seytiriw ushin erik jelimi menen 1:1 qatnastag`I aralaspasinan paydalaniw kerek.
Ionogen bolmag`an emulgatorlar
Ionogen bolmag`an sirt-aktiv zatlar- bul zattin` molekulalari dissociyalaniwi qa`biyletine iye emes.Ionogen bolmag`an emulgatorlardin` ha`zirgi da`wirdegi dizimi ko`p.Bul emulgatorlar tiykarinan liniment ha`m su`rtpe da`riler islep shig`ariwda isletiledi.
Kraxmal- da`rixanada emulciya tayarlawda kraxmal jelimin turg`inlastiriw qa`siyeti jaman emes.N.G.Gayman tarepinen 1939- jilda darixanada tayarlanatug`in emulciyalar ushin ushin usinis qilg`an. 10 gr maydi emulciyalaw ushin 5 gr kraxmal jelimi isletiledi.Kraxmaldin` qurg`aq massasinin` quramliq bo`limi polisaxaridler,qalg`anlar aralaspalar.

Tvinlar ha`m spanlar
Sorbitaldin` sintetik o`nimleri,emulciya ko`leminin` 5-10% esabinda isletiledi.Garmakologik ta`repten olar organizmge ziyansiz.
EMULGATOR T-2. Diefir triglicerin
Mumg`a uqsas qatti aq bawir ren`.Glicerindi 16-18 uglerod atomli may kislotalari menen 200 C da etirifikaciya qiliniwi na`tiyjesinde alinadi.

Mayli emulciyalar(Emulsa oleosa)
Ha`mme mayli emulciyalar, eger recepte maydin` ati ko`rsetilmegen bolsa,DF g`a tiykarlanip badam ya`ki sog`an uqsas erik,shabdali mayinan tayarlanadi.Eger maydin` mug`dari ko`rsetilmegen bolsa,100 gr emulciya tayarlaw ushin 10 gr may alinadi.Emulgatordin` ati ko`rsetilmese,oni saylaw texnolog iqtiyarinda boladi.Tayarlang`an emulciyalar za`rur bolg`nda eki qabatli siyleden su`ziledi.Emulciyalardin` bir qiylilig`in ta`miynlew maqsetinde gemogenizatorlardan o`tkeziledi.Bunda may tamshilari bir qiyli u`len-kishilite boladi.Mayli emulciyalardi tayarlawda to`mendegi uslillardin` birin qollaw mumkin.
Birinshi usil.Kontinental usil.
Maydi idista belgili bo`limdegi emlugator ha`m issi emulgatordin` eriwi,sho`giwi ushin jetetug`in suw menen aralastiriladi.Aralaspa o`zine tan dawis shiqqansha jaqsilap eziledi.Son` qaymaqqa uqsas massa payda bolip,suw tamshilari domalamastan aralasip ketedi.Birlemshi emulciya payda bolg`annan son`,ja`ne bir marte jaqsilap aralastirilip,qalg`an suw az-azdan qosiladi.Idisqa barqulla birinshi bolip emulgator,keyin bolsa may alinadi.Jumalaqlang`an na`rse payda bolmawi ushin emulgator ham idis qurg`aq boliwi kerek.May menen suwdin` mug`dari aling`an waqitta g`ana emulgator emulgirlew tasirin ko`rsetedi.Eger joqarida aytilg`an shartlerge itibar berilmese,emulciya turg`in ( turaqli) bolmaydi yaki putkilley payda bolmastan qalg`an suwdi qosiw mumkin emes.Eger emulciya payda bomasa,may tamshilari suw qosilg`annan keyinde jairalip shiqsa,oni durislaw mumkin emes,qaytadan atyarlaw kerek.