Ф. Жуманова, С. Авазова, Г. Жобборова, У. Хуснетдинов

“Кейс-стади” методи ёки технологиясининг ўзига хос хусусиятлари:  
1) ижодий изланиш ва ўрганишга доир фаолиятнинг вужудга келиши;
2) жамоа ва гуруҳ шароитида ўқитиш ва ўрганиш;
3) якка тартибдаги, гуруҳли ва жамоавий иш шаклларининг интегрaция-
си;
4) хилма-хил ўқув лойиҳаларини ишлаб чиқиш;
5) муваффақиятга эришиш учун таълим олувчиларнинг ўқув-билиш 
фаолияти рағбатлантирилиши;
6) кейс ҳатти-ҳаракатлари қуйидагилар саволлар бўйича фаолиятни ўз 
ичига қамраб олади: ким? (who?), қачон? (when?), қаерда? (where?), нима учун? 
(why?), қандай? / қанақа? (how?), нима? (натижа) (what?).
Кейс. Бирор бир мавзуни ўргатувчи мультимедияли ўқув дарсини яра-
тиш. 
Кейсни бажариш босқичлари ва топшириқлари: 
Кейсдаги муаммони келтириб чиқарган асосий сабабларни белгиланг 
(якка тартибда ва кичик гуруҳларда) 
Мультимедияли илова яратиш учун дастурий таъминотни танлаш ва ўрнатиш 
кетма-кетлигини белгилаш 
Мультимедияли илованинг видео ва аудилавҳаларини яратиш ва иловага 
жойлаштириш 
Мультимедияли илова тақдимотини тайёрлаш ва ўтказиш 

---

515 
Кейс. “Педагогика” дарслиги ёки ўқув қўлланмасининг сизга тақдим 
этилган битта мавзуси материаллари бўйича кейс топшириғини тузиш. Бу кейс 
асосида ўтиладиган дарснинг лойиҳасини яратиш, тақдимотини тайёрлаш ва 
уни намойиш этиш. 
 
“Ақлий ҳужум” стратегияси 
“Ақлий ҳужум” стратегияси бирор муаммо бўйича таълим олувчилар 
томонидан билдирилган эркин фикр ва мулоҳазалар тўпланиб, улар орқали 
маълум бир ечимга келинади.
“Ақлий ҳужум” стратегиясининг ёзма ва оғзаки шакллари мавжуд.
Оғзаки шаклида таълим берувчи томонидан берилган саволга таълим 
олувчиларнинг ҳар бири ўз фикрини оғзаки билдиради. Таълим олувчилар ўз 
жавобларини аниқ ва қисқа тарзда баён этадилар.
Ёзма шаклда берилган саволга таълим олувчилар ўз жавобларини қоғоз 
варақларига қисқа ва барчага кўринарли тарзда ёзадилар. Жавоблар доскага 
(магнитлар ёрдамида) ёки «пинборд» доскасига маҳкамланади. Ёзма шаклда 
жавобларни маълум белгилар бўйича гуруҳлаб чиқиш имконияти мавжуд. 
Ушбу стратегия тўғри қўлланилса, шахсни эркин, ижодий фикрлашга 
ўргатиш имконияти яратилади. Мазкур стратегиядан фойдаланилганда барча 
таълим олувчиларни бирданига фаолиятга жалб этиш мумкин бўлади, билди-
рилган фикрларнинг баҳоланмаслиги турли ғоялар шаклланишига олиб кела-
ди, уларда ўз фикрини нафақат оғзаки, балки ёзма равишда баён этиш маҳора-
ти, мантиқий ва тизимли фикр юритиш кўникмаси ривожланади, шунингдек 
мулоқотга киришиш ва мунозара олиб бориш маданияти шаклланади. Энг му-
ҳими, бу стратегия орқали таълим олувчиларда ижодий тафаккур ривожланти-
рилади.
“Ақлий ҳужум” стратегиясидан белгиланган мақсадга қараб фойдалани-
лади:
1) таълим олувчиларнинг бошланғич билимларини аниқлаш мақсади 
қўйилса, бу стратегиядан дарснинг мавзуга кириш қисмида фойдаланилади; 
2) мавзуни такрорлаш ёки муайян бир мавзуни бошқа мавзу билан боғ-
лаш мақсади қўйилса, янги мавзуни ўрганиш қисмида фойдаланилади; 
3) ўтилган мавзуни мустаҳкамлаш мақсади қўйилса, янги мавзу ўрганил-
гандан сўнг, дарснинг мустаҳкамлаш қисмида фойдаланилади.