F. I. Salomova Bilim sohasi: 500000 – “Ijtimoiy ta’minot va sog’liqni saqlash” Ta’lim sohasi: 510000 – “Sog’liqni saqlash”

3.4. Davolash-profilaktika muassasalarining rejalashtirilishi va qurilishiga 

doir gigiyenik reglamentlar. San Q va M 0292-11 

O’zR-dagi  kasalxonalar  qurilishining  asosi  bo’lib  SSV  -  tomonidan 

tasdiqqangan Sanitariya Qoidalari va Me’yorlari (SanQvaM)-0292-11 hisoblanadi. 

SanQvaM-0292-11  "Davolash  muassasalarini  loyihalash,  qurish  va  ulardan 

foydalanish"  ga  qaratilgan  gigiyenik  me’yorlar  va  reglamentlardan  tashqari 

Sog’liqni  saqlash  tizimidagi  muassasalarni  loyihalashtirish  bo’yicha  qo’llanma 

ham qo’llanishi mumkin. 

Kasalxonalar  qurilishini  yaxshilash  va  takomillashtirish  maqsadida, 

DPMlarning namunaviy loyihalari ishlab chiqiladi va bu loyihalarda SanQvaMdagi 

barcha  talablarning  bajarilishi  ko’zda  tutilgan  bo’ladi.  Ammo  namunaviy  loyiha 

bo’yicha  kasalxona  qurilishini  amalga  oshirganda,  bo’lajak  muassasaning  qanday 

maqsadlarga  mo’ljallanganligi,  mahalliy  iqlim  sharoitlariga  muvofiq  kelishi, 

qurilish  materiallari  va  kasalxonani  jihozlash  uchun  ajratiladigan  mablag’larni 

hisobga olish zarur. Buning uchun keraqli bo’lgan loyihani tanlashda uni mahalliy 

sharoitga "bog’lash" muhim ahamiyatga ega bo’lgan vazifalardan biri hisoblanadi. 

Bo’lajak  kasalxona  qurilishi  uchun  joy  tanlash,  keraqli  namunaviy  loyihalarning 

gigiyenik me’yorlar va reglamentlarga mos kelishini baholashda vrachning tutgan 

o’rni eng asosiy hisoblanadi. 

DPM-larning  rejalashtirilishi  va  qurilishiga  bo’lgan  gigiyenik  talablarni 

ko’rib chiqamiz. 

---

 

117 

 

DPM-larni  qurish  uchun  shu  aholi  yashash  punktidagi  eng  yaxshi  joy 

tanlanishi  va  mahalliy  hokimiyat  tomonidan  qonuniy  rasmiylashtirilishi  shart. 

Somatik  kasalxonalarni  iloji  boricha  aholiga  xizmat  ko’rsatish  doirasi  aholiga 

qulay  joyda  bo’lishi  maqsadga  muvofiqdir;  yuqumli  kasalliklar  shifoxonalari,  sil 

kasalligini davolash muassasalari, ruhiy kasalliklarni davolash muassasalari imkon 

qadar aholi yashash punktidan chetroqda joylashtirilishi lozim bo’lib, bunda albatta 

u  yerga  boradigan  yo’llarning  mavjudligini  hisobga  olish  zarur.  Aholi  yashash 

punktining bosh loyihasida DPM-larni qaerda joylashtirish mumkinligi haqida yer-

joy ajratilgan bo’ladi. 

Kasalxona  uchastkasi  shovqin  tarqatuvchi,  atrof  muhitni  ifloslovchi 

manbalardan  uzoqroqda  bo’lishi,  sanoat  korxonalari,  transport  qatnovi  jadal 

bo’lgan yirik shox ko’chalar, shovqin beruvchi sport inshootlari, chiqindi suvlarini 

tozalash inshootlariga doir kommunal ob’ektlar, jamoa va davlat xo’jaliklariga doir 

ishlab  chiqarish  zonalaridan  uzoqda  ya’ni  sanitar-himoya  zonasi  talablariga  rioya 

qilgan  holda  qurish  talab  etiladi.  Qurilish  uchastkasini  tanlashda  shu  joyning 

shamollar guliga rioya qilishini lozim. 

DPM-  larning  yer  uchastkalari  kasalxonadagi  koykalar  fondiga  bog’liq  bo’ladi 

(SanQ  va  M-0292-11).  DPMlarning  yer  uchastkalarini  tanlash  3.1.1-jadvalda 

keitirilgan. 

3.1.1-jadval  

Umumiy turdagi kasalxonalar yer uchastkalarini tanlash 

            - 50 tagacha koyka                                                  - 300m

2

/koyka 

            - 51-100 ta koyka                                                    -300-200 m

2

/koyka 

            - 101-200 ta koyka                                                  - 140-200 m

2

/koyka 

            - 201-400 ta koyka                                                  - 100-140 m

2

/koyka 

            - 401-800 ta koyka                                                  - 80-100 m

2

/koyka 

            - 801-1000 ta koyka                                                - 60-80  m

2

/koyka 

            - 1000 dan ko’p                                                       - 60  m

2

/koyka 

---

 

118 

 

Yuqumli  kasalliklar  va  sil  kasalliklari  shifoxonalari  uchun  ajratiladigan  yer 

uchastkasining maydoni 15-25% ga kattaroq bo’ladi. 

Yer  osti  kommunikatsiyalari  bo’lgan  joyga  yaqinroqda  quriladigan 

kasalxonalar  (kanalizatsiya,  suv  tarqatish  tarmog’i,  elektr  va  telefon  tarmoqlari)ni 

qurishda ana shu tarmoqlarga ulash ko’zda tutilishi kerak. 

Davolash-profilaktika 

muassasalarini 

qurishda 

quyida 

keltirilgan 

kasalxonalar qurilishi tizimidagi biron bir turini tanlash mumkin: