F. D. Xodjaboyev Navoiy davlat pedagogika instituti «Informatika va o‘qitish metodikasi»

11-mavzu: Bola tarbiyasida kompyuter o‘yinlari. Maktabgacha yoshdagi bolalarga mo‘ljallangan o‘yinlar


Reja:

1. 
   Bola tarbiyasida kompyuter o‘yinlari.
   
2. 
   Bog‘cha yoshidagi bolalarga mo‘ljallangan o‘yinlar
   

Tayanch iboralar: Zo‘ravonlik, agressiya, «Развивайка для дошкольят»,«Pani Pani», «Smesharika», «Детство мапетов, «Самолётик джей».

Kompyuter olamiga qadam qo‘ygan bolani birinchi navbatda kom­pyuter o‘yinlari o‘ziga jalb qiladi. Hozirgi kunda turli xildagi kompyuter o‘yinlari kun sayin ortib bormoqda. Hamma o‘yinlar ham bir xil ta’sirga ega emas. O‘yinlar turlariga ko‘ra bolaning psixikasiga, sog‘lig‘iga va tarbiyasiga ta’sir ko‘rsatishi mumkin.

Kompyuter o‘yinlarida bola bevosita shu o‘yin ishtirokchisiga aylanadi. O‘yin qahramonlarining odatlarini va harakatlarini o‘zida sinab ko‘radi. Ba’zi bir o‘yinlar zo‘ravonlik, agressiya va bosqinchilikni targ‘ib qiluvchi filmlardan ham ko‘proq zarar keltirishi mumkin. Chunki ularda otishma, bosqinchilik, vayron qilish kabi epizodlar mavjud bo‘lib, bunda o‘yin o‘ynovchining o‘zi qatnashadi.
Mutaxassislar uzoq muddat shiddatli o‘yinlarni o‘ynagan odamlarning jahli tez va tajovvuzkor darajasi yuqori bo‘lishini isbotlashgan.
Kompyuter o‘yinlarining ijobiy tomonlari ham mavjud. Fikrlash doirasini va reaksiyani kuchaytiradigan yetarli darajadagi o‘yinlar mav­jud bo‘lib, u eng kichik bolajonlarga ham qo‘l keladi. Bunday o‘yinlar bolaning xotirasini, biror obyektga nisbatan diqqat va e’tiborini kuchaytiradi, uning dunyoqarashini rivojlantiradi. Eng asosiysi bolaning kompyuterda ishlash ko‘nikmasini oshiradi. Kompyuter o‘yinlari orqali bola ko‘pgina o‘ziga kerakli ma’lumotlarni bilib oladi.
Xulosa shundan iboratki, bolalarga zo‘ravonlik, ahloqsizlik, bosqin­chilikni targ‘ib etmaydigan, fikrlash qobiliyatini o‘stiruvchi, yoshiga mos o‘yinlarni qo‘yib turish foydadan holi emas.