F. D. Xodjaboyev Navoiy davlat pedagogika instituti «Informatika va o‘qitish metodikasi»

9-mavzu: Rasm mashg‘uloti uchun didaktik o‘yin


Reja:

1. 
   Rasm mashg‘uloti uchun didaktik o‘yin.
   
2. 
   Tabiat mashg‘uloti ushun didaktik o‘yin.
   
3. 
   Ingliz tili mashg‘ulotida didaktik o‘yinlar.
   
4. 
   Nutq o‘stirish mashg‘uloti uchun didaktik o‘yin.
   

Tayanch iboralar: Yovvoyi hayvon, mevali daraxt, o‘simlik, Photoshop, Corel Draw.
Rasm mashg‘uloti uchun didaktik o‘yin

Bu o‘yinni olib borishda Paint dasturidan foydalaniladi. Dastur oynasi ochilib, oq varaq ikkiga bo‘linadi. Varaqning yarmiga tarbiyachi biror soddaroq rasmni chizib kiritib qo‘yadi (9.1-rasm).

9.1-rasm
Varaqning ikkinchi yarmidagi bo‘sh joyiga bola kiritilgan rasmga qarab rasm chizadi (9.2-rasm).

9.2-rasm
Bu o‘yin orqali bolaning sichqonchadan foydalanish va rasm chizish ko‘nikmasi rivojlanadi.
Rasm chizish mashg‘ulotida «Farqini top», «Kim birinchi» o‘yinlaridan ham foydalanish mumkin. Rasm chizish mashg‘ulotida faqat Paint dasturi bilan cheklanib qolmasdan, Photoshop va Corel Draw dasturlaridan ham foydalanish mumkin.


Tabiat mashg‘uloti uchun didaktik o‘yin

Tabiat mashg‘ulotida asosan bolalarni hayvonlar, o‘simliklar dunyosi ularning farqi, turlari havo, yer, osmon kabi tushunchalar beriladi. Kompyuterda yaratiladigan didaktik o‘yinlar bolalarning tabi­at haqidagi tasavvurlarini kengaytiradi va mashg‘ulotlarni qiziqarli o‘tishini ta’minlaydi.

Tabiat mashg‘uloti uchun quyidagi didaktik o‘yinlardan foydalanish mumkin:
l. «Rasmlar orasidan yovvoyi hayvonini top». Bu o‘yinda bir necha hayvonlar rasmlari beriladi. Bola shu rasmlarichidan yovvoyi hayvonni tanlashi kerak (9.3-rasm).

9.3-rasm
2. «O‘simlikni toping». Bu o‘yinda bir necha turdagi rasmlar beriladi. Bola shu rasmlar ichidan aynan o‘simlikni tanlashi kerak (9.4-rasm).

9.4-rasm
3. «Tovushiga qarab kerakli hayvonni top». Bu o‘yinda turli hayvonlarning tovushlari kiritiladi. Shu tovushga qarab bola qanday hayvonligini topishi kerak.
4. «Mevali daraxtni top». Bunda bola bir necha daraxtlar ichidan mevalisini tanlashi kerak.
5. «Yil faslini top». Bunda bola rasmdagi ranglar va obyektlarga qarab uning qaysi faslligini topishi kerak.