F. D. Xodjaboyev Navoiy davlat pedagogika instituti «Informatika va o‘qitish metodikasi»

«Labirint» didaktik o‘yini

«Labirint» o‘yini ham yosh bolalarga mo‘ljallangan o‘yin bo‘lib, bolaning ongini rivojlanishiga , fikrash qobiliyatini o‘stirishga yordam beradi. «Labirint» o‘yini orqali bolaning sichqonchada ishlash ko‘nikmasi ortadi. Bundan tashqari o‘yin orqali bola yo‘nalishlar, «chap», «o‘ng» «past» va «yuqori» kabi tushunchalarga ega bo‘ladi.

O‘yinni yaratish uchun Power Point dasturida bir necha slayd ochiladi. Birinchi slaydga biror narsaning rasmi (masalan kuchukcha), oxirida yetib boradigan manzil rasmi va ular orasiga har xil yo‘nalishdagi yo‘llar rasmi kiritiladi. Varaqning eng tepasiga to‘rt tomonga yo‘naltirilgan strelka rasmi qo‘yiladi (8.9-rasm).

8.9-rasm
Keyingi slaydlarda kuchukcha har bir o‘zgargan yo‘nalishga alohida-alohida o‘rnatiladi (8.10-rasm).

8.10-rasm
Eng oxirgi ikkita slaydga to‘g‘ri va noto‘g‘ri javob aks ettirilgan rasmlar o‘rnatiladi. Har bir slaydda yo‘nalishiga ko‘ra strelkalar oxirgi slaydlarga gipperssilka qilinadi.
O‘yin davomida bolaning o‘zi yo‘nalishlarga qarab kerakli strelkani tanlab bosadi. O‘yin davomida strelkalar yo‘nalishlarga qarab to‘gri bosilsa kuchukcha manziliga yetib boradi. Agar noto‘g‘ri yo‘nalishni tanlasa «Noto‘g‘ri» javobi chiqadi.
Nazorat savollari

1. Kompyuterda didaktik o‘yinlar qanday dasturlar yordamida yaratiladi?

2. Matematika mashg‘uloti uchun mo‘ljallangan didaktik o‘yinlarga misollar keltiring.
3. «To‘g‘risini top» didaktik o‘yinining yaratilish bosqichini ko‘rsating?
4. Didaktik o‘yinlarga ovoz qanday kiritiladi?
Adabiyotlar

1. 
   R.R.Boqiyev, R.Yu. Mehmonov, D.K.Husnitdinova «Bolalar bog‘chasida kompyutеr savodxonligi» O‘quv qo‘llanma Toshkent - 2010.
   
2. 
   R.R.Boqiyev, R.Yu. Mehmonov, D.K.Husnitdinova «Kompyuter o‘rgatish metodikasi» O‘quv qo‘llanma Toshkent - 2012.
   

Internet elektron saytlar: http://www.ziyonet.uz.