Excelni ishga tushirish

Shartli formatlash

Shartli formatlash yordamida siz, solishtirilayotgan ifodalarga bog‘liq ravishda, ekranga raqamlarni chiqarishni boshqarishingiz mumkin. Masalan, jadvalda raqamlarning rangi berilgan qandaydir ifodadan katta yoki kichikligiga qarab avtomatik ravishda o‘zgarib turishi uchun bu zarur. Ushbu amalni bajarish uchun quyidagi harakatlarni bajarish kerak:
kerakli kataklarni ajratish;
bichimni shartli formatlash buyrug‘ini tanlash, ekranda shartlar berish uchun uchta hoshiyasi (maydoni) bor darcha paydo bo‘ladi. Birinchi hoshiyada ifoda yoki formula, ikkinchisida – ochiladigan ro‘yxatdan shart belgisi tanlanadi, uchinchisida raqam beriladi. Bu hoshiyalar to‘ldi-rilganidan so‘ng Bichim tugmachаsini chertish va o‘z xohishiga ko‘ra shriftning rangi, o‘lchami, quyish rangini tanlash hamda OK tugmasini chertish kerak. Undan so‘ng dastlabki darchada ham OK tugmasini chertish lozim.

Kiritish (qo‘shish) menyusi

Ushbu menyuning buyruqlari yordamida qator, ustun, Varaqni sizning kitobingizga kiritishni bajarishi mumkin. Qatorni kiritish uchun undan tepada kiritish bajariladigan qatorning istalgan katagi tanlanadi. Ustunni kiritish uchun kiritish amalga oshiriladigan oldingi ustunnnig katagi tanlanadi. Undan so‘ng kiritish menyusidan tegishli buyruq tanlanadi. Varaqni kiritish uchun kiritilishi mo‘ljallanganning oldidagi yorliqchasi tanlanadi va tegishli buyruq bajariladi.


To‘g‘rilash menyusi

Ushbu menyu buyruqlari yordamida Siz quyidagi amallarni bajarishingiz mumkin:

 jadvallarning qismlaridan nusxa ko‘chirish, qirqib olish, kiritish (uskunalar panelida bu buyruqlarga o‘xshash tugmalar bor).
 Tozalansin buyrug‘i katakning ichidagilarni tozalash, bichimlarni tozalash, hamma narsani tozalash, katak ilovalarini tozalash imkonini beradi.
 chiqarib tashlansin buyrug‘i kataklar qatorlar yoki ustunlarni chiqarib tashlashni taklif qiladi. Varaq chiqarib tashlansin buyrug‘i esa ish varag‘ini chiqarib tashlaydi.
 nusxa olinsin, ko‘chirilsin buyrug‘i kitobning ish varaqlaridan nusxa olish yoki harakatlantirish imkonini beradi. bu buyruq tanlanganidan so‘ng ekranda darcha paydo bo‘ladi:
bu darchani tegishli hoshiyalari (maydonlari) dan ko‘chirish (bir joydan ikkinchisiga) yoki nusxa olish (nusxa yaratish) amallari, bu varaqni joriy yoki boshqa kitobga kiritish joyi tanlanadi. Ish varag‘ini harakatlantirish uchun boshqa usullarni ham qo‘llash mumkin. Buning uchun sichqonchaning ko‘rsatkichini varaqning yorliqchasiga o‘rnatish, sichqonchaning tugmasini bosish va uni qo‘yib yubormay ko‘rsatkichni (demak u bilan birga varaqni ham) yangi pozitsiyaga ko‘chirish kifoyadir. Agar bir nechta varaq xarakatlantiriladigan bo‘lsa, ularni ajratish Shift (varaqlar bir chetdan ajratilgan holat uchun) yoki Ctrl varaqlar (varaqlар tanlab ajratilgan holat uchun) tugmachasi bosib turilganda amalga oshiriladi. Varaqlardan nusxa olish xuddi shundаy harakatlarning bajarilishini ko‘zda tutadi, faqat ko‘chish Ctrl tugmachасi bosib turilganda bajariladi. Nusxa ko‘chirish bajarib bo‘linganidan so‘ng nusxada u aslidan ajralib turishi uchun u qavs ichida (2) qo‘yiladi.
 Topilsin buyrug‘i jadvaldan nima hoshiyasida teriladigan ma‘lumotlarni izlab topishga yoki ma‘lumotlarni almashtirishga imkon beradi.
 O‘tilsin buyrug‘i – katakka berilgan manzil yoki nom bo‘yicha o‘tishni bildiradi.

18-rasm.