Evolyutsiya nazariyasi

б) Ma’lum narsaga taqlid qilish. Ba’zi hayvonlar o‘z kushandasi yoki o‘ljasi uchun befarq hisoblangan bir narsaga o‘xshaydi. Masalan, dengiz paxmoq toychasi tashqi ko‘rinishidan suv o‘tiga o‘xshab ketadi. Tropik o‘rmonlardagi ko‘plab ilonlar chirmovuqqa, daraxt po‘stloqlarida yashaydigan ba’zi kapalaklar, qo‘ng‘izlar, o‘rgimchaklar lishayniklarga o‘xshaydi.
v) Mimikriya. Mimikriya deyilganda bir organizmning rangi va shakli jihatdan boshqa organizm yoki uning ayrim organlariga tashqi muhitdagi narsalarga o‘xshashligi tushuniladi. Mimikriya ikki xil bo‘ladi: 1) Beyts mimikriyasi 1862 yilda Beyts dushman tomonidan iste’mol qilinadigan kapalaklar soxta ogohlantruchi rangga ega bo‘lsa, ya’ni tashqi qiyofasi bilan yeb bo‘lmaydigan ogohlantiruvchi rangga ega bo‘lgan kapalakka o‘xshash bo‘lsa, dushmandan ximoyalanish mumkinligini kuzatgan. 2) Myuller mimikriyasi. 1979 yilda F.Myuller aniqlagan. Uning fikricha, qushlar qaysi hasharotlarni yeb bo‘lishini aniqlash uchun ularni “ta’tib ko‘rishi” kerak. Bunda bir-biriga o‘xshash hasharotlarni ta’tib ko‘radi va sonnini kamaytiradi. Natijada bir tur kamayganga nisbatan ikkinchi turni kamayishi kam bo‘ladi.
Bilintirmay qo‘yadigan aks soya. Bunda hayvonning yelka tomoni to‘q, qorin tomoni esa och rangda bo‘ladi. Bu holat qurtlar, baliqlar, sutemizuvchilar, qushlarda uchraydi. Agar shu rangdagi hayvonga yorug‘lik yuqoridan tushsa, uning yelka tomoni bir muncha ochroq rangga kiradi, ayni vaqtda qorin tomoniga soya tushub, hayvon terisining rangi bir xil bo‘lib qoladi. Uning konturi atrofdagi narsalar bilan qo‘shilib ketadi va kuzatuvchiga bilinmay qoladi.
Chalg‘ituvchi rang. Bunday hayvon tanasi boshdan oyoq dog‘lari va olachipor yo‘llari kuzatuvchi hayvonni o‘ziga qaratib, uning diqqat e’tiborini chalg‘itadi. Chalg‘ituvchi rang qancha xilma-xil bo‘lsa, ular shu qadar samara beradi. Chalg‘ituvchi rang hasharotlarda, amfibiyalarda va sut emizuvchilarda uchraydi. M: yo‘lbars, zebra, jirafalar terisining rangini misol qilish mumkin.