Ет-498 гуруҳ битирувчиси Жумабоев С.Ҳ. нинг Оралиқ тортувчи нимстанцияни электр таъминотини лойихалаштириш

1.6.5. Тортувчи нимстанцияларнинг электр аппаратлари

Рубильниклар ва кайта улагичлар:
- икки (уланган ва узилган) холатга қўлда ўтказиладиган коммутацион аппарат рубильник деб айтилади.
- икки ва ундан ортиқ занжирларга навбати билан улаш учун хизмат киладиган коммутацион аппарат кайта улагич деб айтилади.
Рубильниклар ва кайта улагичлар 500 В. гача бўлган номинал кучланишга бир, икки ва уч қутбли қилиб ишлаб чикарилади. Ёй сўндирувчи қурилмаси бўлмаган рубильниклар токсиз занжирларни узиш ва очик узилишлар хосил қилишга мўлжалланган. Ёй сўндирувчи қурилмали рубильниклар номинал токкача бўлган токни узиш имконига эга.
Пакетли ва кулачокли кайта улагичлар бир вактнинг ўзида бир неча электр занжирларида мураккаб кайта улашлар учун, масалан, бошқариш, ўлчаш, ва шунга ўхшаш занжирларда ишлатилади. Қайта улагичларнинг нол холатига ўзи қайтадиган ёки бир неча холатларни ушлаб турадиган тузилишлари мавжуд. Бундай қайта улагичлардаги контактлар сони 2 дан 32 гача бўлиши мумкин.
Контакторлар ва магнитли ишга туширгичлар.
Контакторлар - бу масофадан бошкариладиган аппартлар бўлиб нормал иш холатидаги занжирларни кўплаб улаш ва узишлар учун хизмат килади. Контакторлар 3-4000 А токкача, ўзгармас токда 220, 440, 650, 750 В кучланишга, ўзгарувчан токда 380, 500, 660 В кучланишга ишлаб чикарилади ва соатига 600-1500 марта улаш имконини беради. Контакторларни айрим махсус сериялари соатига 14000 мартагача улаш имконини беради.
Контакт тизимси электр магнит ёрдамида уланадиган контакторлар энг кўп қўлланилади. (17-расм)

17-расм. Қонтакторнинг схемаси ва унинг магнит юритгичини қопқоқсиз кўриниши.
Контакторлар қурилмани нонормал холатлардан (ўта юкланиш, қисқа туташув токлари) мухофазалай олмайди, шунинг учун улар автоматик бошкариш схемасида нонормал холатда ишга туширадиган махсус релелалар билан биргаликда қўлланилади.
Магнитли ишга туширгичлар - бу одатда, уч қутбли контактордан, ўрнатилган иссиклик релеларидан ва ёрдамчи контактлардан ташкил топган электр қурилмадир. Улар қуввати 75 кВт.гача бўлган уч фазали электр моторларни бошкариш учун хизмат қилади, қимматлиги.