Эшқурбонова мунисахон бозор қизи

Тадқиқотнинг мақсади: маҳаллий хом-ашёлар асосида синтез қилинган таркибида азот, олтингугурт ҳамда кислород сақлаган янги самарали комплекс ҳосил қилувчи ионитлар ёрдамида кумуш (I) иони сорбциясини ўрганиш.
Тадқиқот ишида қўйилган мақсадга эришиш учун қуйидаги вазифалар белгилаб олинди:
мавзуга оид адабиётларни ўрганиш, маълумотлар тўплаш ва уларни таҳлил қилиш;
карбамид, формальдегид ва асосида синтез қилинган комплекс ҳосил қилувчи ионит ёрдамида кумуш ва унга халақит қиладиган икии валентли мис, рух, темир, кобальт, никель металл ионлари сорбциясига муҳит pH ининг таъсирини ўрганиш;
сорбент-эритма системасида мувозанат ҳосил бўлиш вақтини аниқлаш;
иш бўйича хулоса ва таклифлар тайёрлаш.
Тадқиқотнинг объекти карбамид, формальдегид ва гидразин гидрат асосида синтез қилинган комплекс ҳосил қилувчи ионит, таркибида кумуш ва унга халақит қиладиган икии валентли мис, рух, темир, кобальт, никель металл ионлари ионлари бўлган эритмалар.
Тадқиқотнинг предмети кимёвий ўзгаришлар, металлар сорбцияси.
Тадқиқотнинг усуллари. Потенциометрия, фотоколориметрия, трилонометрия, алкалометрия каби экспериментал тадқиқот усуллари қўлланилган.
Ишнинг илмий аҳамияти. Тадқиқот натижаларининг илмий аҳамияти карбамид, формальдегид ва гидразин гидрат асосида синтез қилинган комплекс ҳосил қилувчи ионит ёрдамида кумуш ва унга халақит қиладиган икии валентли мис, рух, темир, кобальт, никель металл ионлари сорбциясининг оптимал шароитларини таклиф этиш.
Ишнинг амалий аҳамияти сорбцион қобилияти юқори бўлган синтез қилинган комплекс ҳосил қилувчи полимер лигандлар республикамиз гидрометаллургия корхоналари чиқинди эритмалари таркибидаги жуда кам миқдордаги нодир ва рангли металларни ажратиб олиш ҳамда саноат оқава сувларини тозалаш муаммоларини ҳал қилишга хизмат қилади.
Тадқиқот натижаларининг эълон қилинганлиги. Битирув малакавий иш мавзуси бўйича бажарилган илмий-тадқиқот натижалари Термиз давлат университети талабаларининг 2017 йилги илмий-тадқиқотлари якунларига бағишланган илмий-назарий конференцияда маъруза қилинган.