Эшқурбонова мунисахон бозор қизи

2.3. Сорбентни ўрганишга тайёрлаш
Сорбентлар ховончада майдаланди ва тешикларининг ўлчами 0,16-0,25 мм бўлган элак ёрдамида фракцияларга ажратилди. Сорбция жараёнида сорбентларнинг 0,16-0,25 мм ўлчамли фракциясидан фойдаланилди. Сорбентларни тозалаш [33] адабиётда келтирилган методика бўйича амалга оширилди. Сорбент маълум ҳажмдаги стаканга солиниб, унга сорбент эгаллаган ҳажмга нисбатан 10 ҳажм баробар дистилланган сув қуйилди ва сорбент бўкиши учун бир неча соат қолдирилди. Шундан сўнг сорбент сув тиниқ бўлгунча ювилди ва сувдан ажратилган сорбент солинган стаканга 3 М HCl эритмаси қуйилди. Сорбент суспензияси кислотали эритмада 2 соат давомида аралаштирилди. Кислота тўкиб олиниб, сорбент дистилланган сув билан универсал индикатор бўйича нейтраллангунча ювилди. Тозаланган сорбент 2 соат давомида 1М NaOH эритмаси билан қайта ишланиб натрийли шаклга ўтказилди. Сўнгра сорбент сув билан ювилиб, юқорида келтирилган тартибда H⁺-шаклга ўтказилди. Тозалаш цикли 2-3 марта такрорланди. Тозаланган тегишли шаклдаги сорбент Бюхнер воронкасида фильтрланиб, ҳавода қуритилди [73]. Тадқиқотлар давомида H⁺-шаклдаги катионит ва OH^--шаклдаги анионитлардан фойдаланилди.


2.4. Сорбентнинг натрий иони бўйича статик сиғимини аниқлаш
САС_Na+ ни аниқлаш учун 35 мл ҳажмли 3та бюксга 0,1 г дан сорбент солиб, уларга 20 мл дан 0,1 М NaOH эритмаси қуйилди ва аралашма азот оқимида аралаштирилди. Сўнгра бюкслар қопқоқ билан беркитилиб, азот тўлдирилган эксикаторга жойлаштирилди ва 15-20 соат давомида протонларнинг натрий катионига алмашиниш реакциясида мувозанат ҳосил бўлгунча тиндириб қўйилди. Сўнгра сорбентлар солинган эритмалардан 10 мл дан олиб, 0,1 М HCl эритмаси билан аралаш индикатор (80 мг метил қизили ва 160 мг метилен кўкининг 100 мл 50% ли этанолли эритмаси) иштирокида титрланди [103].
САС_Na+ катталиги қуйидаги формула бўйича ммоль/г да ҳисобланди:

Бу ерда а- титрлашга сарфланган 0,1 М HCl эритмаси ҳажми, мл;
к - 0,1 М NaOH эритмаси нормаллигини тўғрилаш коэффициенти;
к₁ - 0,1 М HCl эритмаси нормаллигини тўғрилаш коэффициенти;
0,0040 - 0,1 М NaOH эритмаси титри;
40 – NaOH нинг молекуляр массаси;
g – сорбент массаси, г.
Олинган маълумотлардан хелатли полимер сорбентлар кислотали гуруҳларининг ионланиш доимийликларини аниқлашда фойдаланилди.