Эс-хушнинг бузилиши

Карши курсатмалар. Баъзи нейролептиклар (аминазин, хлорпротиксен, трифтазин) кучли соматотроп таъсирининг борлиги сабабли жуда куп карши курсатмаларга эга булади. Бошкалари эса юмшок соматотроп таъсир курсатиб, кам даражада карши курсатмаларга эга булади (левомепромазин, метилпромазин, тиоридазин). Купчилик нейролептиклар кулланишига карши курсатмалар куйидагилар хисобланади: кон касалликлари, юкумли ва токсик жигар узгаришлари, декомпенсация билан борадиган юрак - томир касалликлари, тромбэмболия касаллиги, юкори харорат холатлари, глаукома, микседема, наркотик, уйку чакирувчи ва аналгетик моддалар билан уткир захарланиш. Тератоген таъсир йуклигига карамасдан хомиладорликнинг биринчи уч ойида нейролептикларни куллаш тавсия этилмайди. Бундан ташкари, гипертония, гипотония, ревматизм, туберкулез, миокардиодистрофия касалликлари, бош мия томирларида кон айланишининг бузилишлари, буйрак ва ут халтасида тош борлигида нейролептиклар эхтиётлик билан кулланилиши керак. Нейролептиклар кулланилишидан олдин беморнинг соматик холатини диккат билан текшириш, шу максадца клиник ва параклиник усуллардан фойдаланиш керак.
Фенотиазиннинг алифатик бирикмалари
Бу нейролептиклар психомотор кузгалишда энг яхши натижалар курсатади.
Аминазин (хлорпромазин, плегомазин, ларгактил) - драже 0,025; 0,05 ва 0,1; амп. 2,5% эритмаси 2 мл мушак ичига ёки 40% глюкоза 20 мл ёки хлорид натрий 0,9% эритмаси 10 млда томир ичига юборилади.
Аминазин кенг таркалган нейролептиклардан бири хисобланади. Унинг психотроп таъсири рухий жараёнларнинг тормозлаши, бушаштириши билан ифодаланади. Даволашнинг биринчи кунларида аминазин беморларни тинчлантириб, уйкучанлик ва вегетатив узгаришлар чакиради. Узок давомли даволашда эса бу бузилишлар йуколади, лекин беморнинг кайфияти пасайиши мумкин. Психиатрияда аминазин галлюцинатор-васвасавий, уткир сиймо васваса, онейроид кататония билан борадиган уткир психотик хуружлар, хамда сурункали васвасавий, кататоник ва гебефреник кузгалишларда кулланилади. Аминазин психопатик кузгалувчанлик ва иштаха бузилишларида яхши натижалар беради. Апато-абулик, апато-ипохондрик, апато-астеник ва апато-депрессив холатларда, айникса идеомотор котиб колиш билан борадиган депрессияларда аминазин ёрдам
бермайди. Лекин депрессия таркибида харакат кузгалиши ва истерик бузилишлар кузатилса, аминазин антидепрессантлар (амитриптилин) билан бирга ижобий узгаришлар чакиради.
Наркология амалиётида аминазин шифохонада, айникса беморларни мажбур даволаш булимларида, кулланилишини тавсия килинади. Бу дори шахс узгаришларининг эксплозив турида ва патологик мойиллик дисфория билан кузатилганда яхши натижалар курсатиб, беморларда шифохона тартибларининг бузилишларини олдини олади.
Кундузи аминазин ичга (овкатдан кейин), кечкурун эса мушак ичига юборилади. Аминазин кон босимини пасайтиради (ортостатик коллапс), жигарга токсик таъсири курсатиши мумкин.
Тизерцин (левомепромазин, нозинан) драже 0,025, амп. 2,5% эритмаси 1 мл.
Тизерцин таъсири аминазин таъсирига куп равишда ухшайди, лекин чукуррок уйку холати чакиради ва кайфиятни узгартирмайди. Тизерциннинг антипсихотик таъсири аминазинга нисбатан камрок булиб, турли хил кузгалиш холатларида, айникса аффектив бузилишлар билан борадиган кузгалувчанликда чукур уйку чакириб, кучлирок ижобий таъсир курсатади. Тизерцин безовталик, хаяжонланиш, маниакал, онейроид-кататоник, делириоз кузгалишларда жуда яхши натижалари беради. Тизерцин тажавузкорлик, тушкун кайфият билан борадиган психопатсимон холатларда, юрак тез уриши, тухташ сезгиси билан борадиган ипохондрик куркувларда ёрдам беради.
Даволашнинг бошлангич даврида тизерцин куп микдорда ишлатилса, кон босимини пасайтириши (гипотензия), эс-хуш йуколиши ва тахикардия холатларини чакириши мумкин. Бемор тизерцин кабул килгандан кейин 1-2 соат ётиши керак, шунинг учун бу дори уйкудан олдин ичига ёки парентерал равишда юборилиши керак. Тизерцин куллашга тургун гипотония, юрак-томир етишмовчилиги, жигар огир бузилишлари карши курсатмалар хисобланади. Бошка фенотиазин бирикмаларига нисбатан тизерцин экстрапирамид бузилишлар кам чакиради ва буйрак, жигар фаолиятларига салбий таъсири курсатмайди.
Пролазин (промазин) драже ва табл. 0,025 и 0,05, амп. 2,5% эритмаси 2 мл. Бу дори аминазинга нисбатан кучсизрок таъсир курсатиб, токсик асоратлар чакирмайди. Наркологияда пропазин кам ишлатилади.
Терален (алимемазин) - табл. 0,005, фл. 30 мл 4% эритмаси, амп. 5 мл 0,5% эритмаси. Терален юмшок седатив ва кучсиз антипсихотик таъсирлар курсатади. Бу дори вахима, эмоционал таранглик, сенестопатиялар, ёпишкок фикрлар ва фобия холатларида жуда яхши натижалар беради. Терален седатив, уйку чакирувчи таъсирга эга булиб, уринсиз таъсирлари жуда кам булади. Бу дори антидепрессив хусусиятга эга булиб, аминазинга нисбатан кучлирок антигистамин таъсири ва вегетатив асаб тизимининг тонусига ижобий таъсир этиши кузатилади.
Терален невротик ва неврозсимон бузилишлар, ёпишкок куркувлар, сенестопатик ипохондрия, дисфория, психопатик ва психопатсимон
холатларида кулланилади. Препарат экстрапирамид асоратларни чакирмай, карилик даврида, органик, кон-томир ва соматик касалликларда, бош мия шикастланишидаги рухий узгаришларда кулланилиши мумкин.
Уйку чакирувчи таъсирига боглик равишда терален эрталаб кичик микдорда, кечкурун эса асосий микдорда кабул килиниши керак.