Ertaklar farzandingizga qanday ta'sir ko'rsatadi?

Farzandingiz maktab yoshida boʼlsa, ichki dunyosini tushunish, yaqinlari va doʼstlari bilan muammolarni hal etishga yordam beruvchi masal va kichik hikoyalarni qoʼllab koʼrishingiz mumkin. Shuningdek, ertakterapiyada qissa va she’rlardan ham foydalaniladi. Bunday hikoyalar hazil va istehzolarga murojaat etilishi bilan ham ajoyib ham qiziqarli.

• Farzandingiz maktab yoshida boʼlsa, ichki dunyosini tushunish, yaqinlari va doʼstlari bilan muammolarni hal etishga yordam beruvchi masal va kichik hikoyalarni qoʼllab koʼrishingiz mumkin. Shuningdek, ertakterapiyada qissa va she’rlardan ham foydalaniladi. Bunday hikoyalar hazil va istehzolarga murojaat etilishi bilan ham ajoyib ham qiziqarli.
• Turli xil komplekslari bor, oʼziga bahosi past, ota-ona eʼtibori, mehridan mahrum boʼlgan maktabgacha va yuqori sinf oʼquvchilariga moʼjizalar, mistik hodisalar va gʼayrioddiy oʼzgarishlar yuz beradigan sehrli hikoyalar oʼqish tavsiya etiladi. Ularning yordami bilan bola ongosti har bir hikoya, ertakda tasvirlangan hayotiy donolik bilan toʼlib boradi.

ERTAKTERAPIYA BILAN QANDAY NATIJALARGA ERISHISH MUMKIN?

• Mazkur usulning afzalligi shundaki, farzandingiz bilan shugʼullanish uchun sizdan maxsus bilim talab etilmaydi. Siz faqatgina kerakli ertakni dasturdan farzandingizga qo’yib bersangiz bas. Ammo shunday boʼlsa-da, ertakterapiya yordamida qaysi muammoni hal etish va qanday natijaga ega boʼlishni istayotganingizni aniq bilishingiz kerak. Agar bu borada bir qarorga kela olmayotgan boʼlsangiz diqqat qiling. Quyida ertakterapiya bolaga qanday yordam berishiga toʼxtalamiz:

Bolakayni qorongʼilik, balandlik, suvda suzish, shifokor koʼrigiga borish kabi qoʼrquvlardan saqlash. Keyinchalik bolaning kundalik hayotini yorqin va qiziqarli mashgʼulotlar bilan toʼldiradigan ijodiy qobiliyatni rivojlantirish. Bolaga nima yaxshi-yu nima yomonligini oʼrgatish. Masalan, oʼzidan kichkinalarni xafa qilmaslik, birovning oʼyinchoqlarini soʼramasdan olib boʼlmasligi, yolgʼon gapirmaslik.