«Erta tashxis va abilitatsiya» fanidan sessiya oralig‘i nazorat ishi topshiriqlari Fan: «Erta tashxis va abilitatsiya

« Erta tashxis va abilitatsiya» fanidan sessiya oralig‘i nazorat ishi topshiriqlari

Fan: « Erta tashxis va abilitatsiya »

Mavzular:

1. Ilk yoshdagi bolalar bilan olib boriladigan yakka mashg‘ulotlarning ishlanmasini tayyorlash.

2. 2 -3 yoshli bola nutqini va psixomotor rivojlanishini tekshirish.

3. Ilk yoshdagi bolalarni psixologik-pedagogik tashxis qilish natijalari bo‘yicha xulosa chiqarish va ota-onalar bilan ishlash rejasini tuzish.

Nazorat ishi topshiriqlarining asosiy maqsadi: Maxsus ta’lim muassasalari o‘quv rejalarida fanlarning bloklar bo‘yicha taqsimoti, o‘quv soatlari miqdori taqsimotini o‘rganish, mutaxassislik fanlardan taqvimiy mavzuli reja tuzishni o‘rganish, dars reja konspektlarini tayyorlash, darslarni tahlil qilish va hujjatlashtirishni amalga oshirishni o‘rganish.

Nazariy ma’lumotlar.
Talabalar ongida pedagogika, psixologiya, maxsus pedagogika, mutaxassislik va maxsus fanlar bo‘yicha olgan bilimlarining yaxlit mujassamlashgan modelini shakllantirish, ularni chuqurlashtirish amalda sinab ko‘rish maqsadida Erta tashxis va abilitatsiya” fani bo‘yicha sessiya oralig‘i nazorat ishi topshiriqlari taqdim etiladi. Talabalarning « Erta tashxis va abilitatsiya” fanidan olgan nazariy bilimlarini amalda qo‘llash va sinash, ularni kelgusi o‘qituvchilik faoliyatida kerak bo‘lgan asosiy rejalashtiruvchi (o‘quv – me’yoriy) hujjatlar mazmuni bilan tanishtirish, ularni ishlab chiqish bo‘yicha bilim, amaliy ko‘nikma va malakalar bilan qurollantirish mazkur tayyorlangan sessiya oralig‘i nazorat ishi topshiriqlari to‘plamida o‘z aksini topgan.

1. 
   – topshiriq. Berilgan savollarga yozma tarzda javob tayyorlang.
   

1. 
   Ilk yordam xizmatida o‘tkaziladigan “Superviziya” ning funksiyalari nimalardan iborat?
   

2. 
   “Abilitatsiya” ning mazmuni nimalarni anglatadi?
   
3. 
   “Erta tashxis qilish ”ni tashkil etishning asosiy maqsad va vazifalari nimalardan iborat?
   

Ilk yordam xizmatida o‘tkaziladigan “Superviziya” ning funksiyalari nimalardan iborat?

Bolada avval shakllanmagan yoki buzilgan, rivojlanishi sustlashgan funksiyalarni rivojlantirish, rivojlanishida nuqsoni bo‘lgan bolaning hayot faoliyatidagi faollik, jamiyat hayotida ishtirok etishning cheklanishini oldini olish.

Superviziya (inglizchadan «to supervise» – kuzatmoqi «supervision» – kuzatuv) – mutaxassislarning birgalikda ishlashi. Ilk yordam amaliyotida superviziya jarayonida murakkab holatlar ko‘rib chiqiladi va ishda uchrayotgan qiyinchiliklar taxlil etiladi.

Ilk bolalik davri tibbiy va psixologik-pedagogik nuqtai nazardan bolaning rivojlanishidagi muhim bosqichlardandir. Bola hayotining dastlabki yillarida jamiyat bilan o‘zaro aloqadorligini, harakatini buzadigan salbiy omillar uning miyasini rivojlanishi jarayonini kechiktiradi, tormozlaydi, analizatorlararo murakkab tizimning shakllanishiga to‘sqinlik qiladi. Bunday bolalarga o‘z vaqtida yordam ko‘rsatish uchun uning psixik va ijtimoiy rivojlanishidagi nuqsonlarni mumkin qadar erta aniqlash, bartaraf etish juda muhim ahamiyat kasb etadi.