Eritmalari yoki suyuqlanmalari elektr tokini o‘tkazadigan moddalar

2-билет.

1. Molekular formulasi H₂SO₄.  Uning  tuzilish formulalari quyidagicha:

Fizik xossalari. Sulfat kislota rangsiz, hidsiz, og‘ir moysimon suyuqlik. 96% li konsentrlangan sulfat kislotaning zichligi 1,84 g/sm³ ga teng. U suvda eritilganda juda ko‘p issiqlik ajralib chiqadi. Shuning uchun sulfat kislotani suvda eritishda juda ehtiyot bo‘lish kerak. Sulfat kislotani suvga aralashtirib turgan holda quyish kerak. Aksincha, suvni sulfat kislotaga quyish mumkin emas!

Kimyoviy xossalari. Suyultirilgan sulfat kislota bilan konsentrlangan sulfat kislotaning kimyoviy xossalarida farq bor.

Suyultirilgan sulfat kislota kislotalar uchun xos bo‘lgan barcha xossalarni o‘zida namoyon qiladi.

1. Metallarning faollik qatoridagi vodoroddan oldin turgan metallar bilan reaksiyaga kirishib tuz va vodorod hosil qiladi:

Zn + H₂SO₄ = ZnSO₄ + H₂

2Al + 3 H₂SO₄ = Al₂(SO₄)₃ + 3H₂

2. Asosli va amfoter oksidlar bilan reaksiyaga kirishib tuz va suv hosil qiladi:

CuO + H₂SO₄ = CuSO₄ + H₂O  

ZnO + H₂SO₄ = ZnSO₄ + H₂O

3. Asoslar bilan reaksiyaga kirishib tuz va suv hosil qiladi:

2NaOH + H₂SO₄ = Na₂SO₄ + 2H₂O  

Mg(OH)₂ + H₂SO₄ = MgSO₄ + 2H₂O

4. Kuchsiz va uchuvchan kislotalarning tuzlari bilan reaksiyaga kirishib, yangi tuz va yangi kislota hosil qiladi:

3 H₂SO₄ + Ca₃(PO₄)₂ = 3CaSO₄ + 2H₃PO₄