Ergashxodjaeva Sh. Dj., Samadov A. N.,Alimxodjayeva, N. E., Sharipov I. B. Marketing kommunikatsiyasi

 
15.1-rasm. SHarbat reklamasi
 
1. E’tiborni jalb qilish va ushlab qolishga intiling
Jalb etuvchanlik bo‘yicha sarlavhalarni quyidagi turlarga ajratish mumkin: 
• tovar ustunligini ko‘rsatadigan sarlavha; 
• yangilik yoki anonsdan iborat bo‘lgan sarlavha; 
• qiziqish uyg‘otadigan sarlavha. 
Eng yaxshi sarlavhalar uchala tarkibiy qismni o‘zida mujassam etadi. 
Matn ko‘plab reklama vositalarining eng muhim tarkibiy qismi sanaladi. U 
qoidaga ko‘ra, reklama xabarining asosiy mazmunini ochib beradi. Reklama matnini 
ishlab chiqishga asos qilib ularga shak-shubhasiz amal qilish zarur bo‘lgan tamoyillar 
olinadi.
 
Reklama matni o‘zining tashqi ko‘rinishi, sarlavhasi (slogani) bilan potensial 
xaridorni jalb qilishi, izohi bilan uni qiziqtirib qo‘yishi va xulosasi bilan uni taklif 
etilayotgan tovarni xarid qilishga ko‘ndirishi lozim. Reklama qimmati yuqori bo‘lgan, 
his-tuyg‘ular, obraz hosil qiluvchi so‘zlar alohida ajratib ko‘rsatilishi lozim. 

---

284 
2. O‘z fikringizni oddiy bayon qiling.
Imkon qadar ularning ma’nosini har qanday kishi ham tushunishi mumkin bo‘lgan 
oddiy so‘zlar va qisqa gaplardan foydalanish lozim. Texnik atamalar, tushunarsiz va 
taniqli bo‘lmagan so‘zlardan foydalanish zarur. «Ishonchimiz komilki, …», «…deb 
hisoblaymiz», «Ajoyib, fantastik..» deb yozib bo‘lmaydi. 
3. O‘z fikringizni qiziqarli bayon qiling.
Matn maroqli bo‘lishi va qiziqish uyg‘otishi lozim. Uzundan uzoq va zerikarli 
sanab chiqishdan qochish kerak. O‘quvchini tovarlarning o‘zi emas, balki ulardan 
olinadigan foyda qiziqtiradi. O‘tkir, yumoristik matnlar eng yaxshi taassurot qoldiradi. 
4. O‘z fikringizni to‘ppa-to‘g‘ri, ochiq bayon qiling.
Gaplarni tejang, keraksiz so‘zlarni, ayniqsa, sifatlarni olib tashlang. Gapingizni 
tejamkorlik bilan tushuntiring.