Ер тузишни лойихалаш

 
 
 
 
4. Резаворзорлар ва қулубнай алмашлаб экишлари ҳудудини ташкил этиш

---

384 
Резаворлар ҳудудини ташкил этиш ўз ичига турлар, навлар, кварталларни; 
қулубнай учун алмашлаб экиш мас-сивлари ва алмашлаб экиш далаларини; 
ўрмон полосалари, йўллар, сув манбаалари, суғориш тармоғини жойлаш-
тиришни; резавор алмашишларни жорий этишни олади.
Турлар ва навларни жойлаштириш масаласи резаворзорлар учун ер 
участкасини танлаш билан бир вақтда ечилади. Бунда турларнинг биологик 
хусусиятларидан, уларнинг тупроқларга, намликка бўлган талаби- 
áðèãàäà øèéï î í è
Ñàáî ì àðâàðèäè
25 расм. Узумзорлар ҳудудини ташкил этиш (икки бригада)
дан, совуқ урушидан ҳимояланганлигидан, зараркунандалар ва касалликларга 
чидамлилигидан келиб чиқилади. Масалан, қора смородина учун чимли - ўрта 
ва кучсиз кулранглашган, кулранг ўрмон тупроқли ясси қияликлар (3
о
гача) 
кўпроқ тўғри келади. Жанубий минтақаларда улар шимолий йўналишдаги 
қияликларда жойлаштирилади. 
Резавор экинларини экиш тоза навли, соғлом ва сифатли I репродукцияли 
кўчат материаллари билан амалга оширилади. Ўзидан чангланмайдиган навлар 
учун бошқаларидан чанглантиришни таъминлаш керак. 
Текис участкаларда резавор буталари қаторлари шимолдан жанубга, 
қияликларда - қияликка кўндаланг қилиб жойлаштирилади. Қаторлар ишлаб 
чиқариш жараёнларини механизациялашни енгиллатиш учун бир - бирларига 
параллел қилиб жойлаштирилади. Қаторлар орасидаги масофа 2,5-3 м, 
қатордаги ўсимликлар орасидаги масофа смородина учун - 0,6-0,7, маймунжон 
учун - 0,3-0,4 м ташкил этади. Кулупнай 0,8-0,9 x 0,15-0,20м тартибида 
жойлаштирилади. 
Кварталлар майдони улар узунлиги 200-300 м ва кенглиги 150-200 м 
бўлганда 4-7 га ташкил этади. Эрозияга йўл қўймаслик учун улар, узун 
томонлари ўсимликлар қаторлари бўйлаб, қияликка кўндаланг қилиб 
жойлаштирилади, ҳар бир квартални бир нав билан бандлаш керак. 

---

385 
Резавор буталарининг қўшни кварталлари резавор-чилик бригадаларига
бириктирилади, уларнинг майдонлари 30-40 га ташкил этади. Иш билан 
бандлиги текисроқ бўлиши учун уларда ҳар хил муддатларда пишадиган 
экинлар бўлиши керак. Қаторлардан ҳосилни олиб чиқишни енгиллатиш учун 
резаворзорларда кенглиги 3-4 м, ҳар 50-100 м ўтказиладиган йўллар тармоғи 
лойиҳаланади. Магистрал йўллар 6-8 м, кварталлараро йўллар - 5-6 м кенгликка 
эга бўлади. Кварталлараро йўллар ўрмон полосаларининг ҳар икки томонидан 
жойлаштирилади. 
Резаворзорлар атрофида шамол ўтказадиган тузилишга эга 2 қатор баланд 
ўсадиган 
дарахтлардан 
иборат 
иҳота 
ўрмон 
полосалари 
экилади. 
Резаворзорларнинг майдони катта бўлса кварталлар орасида бир қаторли, 
дарахтлари ёнма-ён жойлашган кварталлар қаторлари бўйлаб жойлашган ўрмон 
полосалари яратилади, бу бир неча кварталларга бир вақтда ишлов бериш 
имкониятини беради. Боғни ҳимоялавчи дарахтлар резаворлар қаторларидан 
узун томон бўйича 6-8 м, калта томон бўйича трактор агрегатлари айланишини 
таъминлаш учун 8-10 м масофада жойлашган бўлиши керак. 
Кварталлараро ҳимоя ўрмон полосаларининг бурчакларида кенглиги 8-10 
м, агрегатлар ва транспорт воситалари ўтиши учун очиқ жойлар қолдирилади. 
Резавор экинларини етиштиришнинг саноат техноло-гияларининг 
ташкилий ва иқтисодий имкониятларидан тўлароқ фойдаланиш учун мос 
хўжаликларда резавор алмашишлар жорий этилади. Масалан, қора смородина 
учун 10 далали, экинлар алмашиниши қуйидагича бўлган резаворалмашиш 
назарда тутилади: 1 - бўш шудгор (пар)+смородина янги экилган; 2 - ёш 
смородина; 3 - мева-га кирадиган смородина; 4-8 - мевалайдиган смородина; 9 - 
мевалайдиган смородина+қирқиб ташлаш; 10 - сидерал экинлар (кузги жавдар, 
арпа). Қулупнайли алмашлаб экиш-лар одатда 6-8 далалик 2-3 йил ҳосил 
берадиган, резаворал-машишлар 10-12 далали, 6-8 йил ҳосил берадиган бўлади. 
Қулупнайли алмашлаб экишларнинг тахминий тузилиши қуйидагидек 
бўлади: 
I.
1 - кузги экинлар; 2 - сидерал экинлар; 3 - қулупнай (янги экилган); 4-6 - 
қулупнай. 
II.
1 - кўп йиллик ўтлар билан қўшиб экилган кузги экинлар; 2-3 - кўп 
йиллик ўтлар; 4 - сидерал экинлар; 5 - қулупнай (янги экилган); 6-8 - қулупнай. 
III.
1 - кузги экинлар; 2 - тоза шудгор (пар); 3 - қулупнай (янги экилган); 4-6 
- қулупнай. 
Меваларни сотишга тайёрлаш бўйича ишларни бажа-риш учун иморатлар 
мажмуасига ва авторефрижераторлар учун айланиш майдончаларига эга 
бригада шийпонлари қурилади; у бригада массиви марказида асосий йўллар 
ёнида жойлаштирилади.