Ер тузиш ва ер кадастри кафедраси

«ЕР РЕСУРСЛАРИНИ БОШҚАРИШ» фанидан мустақил ишларни бажариш бўйича
УСЛУБИЙ КЎРСАТМА



БУХОРО - 2019


Ушбу услубий кўрсатма филиал ўқув- услубий кенгашининг __________ 201__ йилда бўлиб ўтган ___ - сонли мажлисида кўриб чиқилди ва чоп этишга тавсия этилди.
Услубий кўрсатма ер ресурсларини бошқаришнинг мақсади ва вазифаларини, давлат миқёсида ер мулк салоҳиятидан фойдаланишнинг назарий услубий ва амалий масалаларини ўз ичига олади. Унда ер ресурларидан самарали ва оқилона фойдаланиш, уларни тоифалар ва иқтисодиёт тармоқлари бўйича тақсимоти каби масалаларнинг услубиятлари келтирилган.


«Ер тузиш ва ер кадастри» бакалавриатура йўналишиларида таълим олаётган талабалар учун мўлжалланган.
Тузувчилар: Аҳмадов Б – Ер тузиш ва ер кадастри кафедраси ассистенти


Тақризчилар: А.Асадов – Бухоро вилоят “Ермулккадстр” ДК Бухоро шаҳар филиали бошлиғи.

С.Асатов – Ер тузиш ва ер кадастри кафедраси

катта ўқитувчи

Тошкент ирригатсия ва қишлоқ хўжалиги

механизациялаш муҳандислари институти Бухоро филиали – 2019


КИРИШ
Республикамиз иқтисодиётининг тубдан интенсив ривожланиш йўлига бурилиши, барча соҳа ва тармоқларга илмий-техника тараққиётининг жадал тадбиқ этилиши, ягона иқтисодий организм сифатида агросаноат мажмуасининг фаолият кўрсатиши, ердан фойдаланишда янги ва устувор йўналишларни тадбиқ этишни талаб қилади. Бундай шароитда ердан фойдаланишни ташкил этишни бошқариш, режалаштириш, агросаноат мажмуасининг барча йўналишларида ресурслар тежамкорлигини таъминлайдиган технологияларни жорий этишни тақозо этади.
“Кадрлар тайёрлаш миллий дастури” ва “Таълим тўғрисидаги” қонунларни мувоффакиятли амалга оширишда замонавий педагогик технологияларининг ўрни бекиёсдир. Жумладан, фанларни ўзлаштиришда ва келажак мутахассисни замон талабида тайёрлашда мустақил ишларни бажариш сифати жуда хам муҳим.
Ер ресурсларини бошқариш фанини мустақил равишда ўрганишда мамлакатимиздаги ва етакчи давлатларда жорий этилган ер ресурсларини бошқариш тизимини тадқиқ қилиш лозим. Бунда Халқаро Интернет тизими, ер ресурсларини бошқаришга оид халқаро ташкилотларнинг материалларидан фойдаланиш ижобий натижалар беради.
Ушбу методик кўрсатмада ер мониторингини ўтказиш юлларини, уларни давлат тадбирлар тизимлиги эътироф этилади. Ер мониторингининг вазифалари, асосий йўналишлари, ўтказиш асослари ва тузилмасини мукаммал ўрганиш бўлғуси мутахассисда назарий, услубий ва амалий кўникмаларини яратади. Ер ресурсларини бошқариш фанини мустақил иш мавзулари асосида ўрганиш хорижий ва мамлакатимизнинг замонавий бошқарув тизими, яъни ердан фойдаланиш муаммоларига оид илмий ишларини чуқур таҳлил қилишга асосланади. Мазқур методик кўрсатмада талабаларни Ер ресурсларини бошқариш фанини ўзлаштиришда мустақил ишларни ташкиллаштириш, уларнинг таркиби ва мазмуни, бажариш ва якунланиши тартиби тўғрисида маълумотлар берилган.