Ер тузиш ва ер кадастри кафедраси

1. Ўқув фани ўқитилиши бўйича услубий кўрсатмалар
Фанни ўқитишдан мақсад - талабаларга “Ер ресурсларини бошқариш” фанининг асосий мақсади талабаларни республиканинг иқтисодий салоҳиятини ягона умум давлат, яхлит ва комплекс ҳисобга олган ҳолда ер ресурсларини бошқаришни назарий, услубий ва амалий жиҳатдан ўрганиш ҳисобланади. Бунда ер ресурсларининг салмоқли ўрни борлигини эътироф этган ҳолда ундан фойдаланишни мос билим ва малакасини шакллантиришдир.


Фаннинг вазифаси - мамлакатимиз иқтисодий салоҳиятининг асосларидан бири бўлган ер ресурсларни ўрганиш, уларни бошқаришнинг илғор услубларини ва технологияларини қўллашни ҳамда ер ресурсларини бошқаришни мукаммал ўрганишда амалиётда қўлланиб келинаётган йўриқномалар, меъёрий ҳужжатлар ва услубий кўрсатмалардан фойдаланиш асосида ер ва бошқа табиий ресурсларни муҳофаза қилиш ва улардан самарали фойдаланишни яхшилашнинг энг самарали йўлларини аниқлаш, улар ривожланишининг устивор йўналишларини танлаш, самарадорлигини ошириш йўлларини аниқлашдан иборат.
Фан бўйича талабаларнинг билим, кўникма ва малакаларига қуйидаги талаблар қўйилади. Талаба:
- мамлакатимиз иқтисодиётининг муҳим тармоқлари бўлган ер ресурсларини бошқаришнинг назарий ва ҳуқуқий асосларини, бошқариш механизмларини, ер ресурсларини бошқаришнинг илғор услубларини ва технологияларини, ер ресурсларидан фойдаланишнинг самарадорлигини ошириш йўлларини, ер муносабатларини, ер фондини давлат бошқаруви усулларини, ерлардан фойдаланиш ва муҳофаза қилиш устидан давлат назорати усулларини, ер тўғрисидаги қонун ҳужжатларини, ерларнинг ҳуқуқий ҳолатини билиши керак;
- ер ресурсларини бошқариш усуллари ва йўналишлари, ер ресурсларини бошқаришда қонун ва меъёрий ҳужжатлари билан ишлаш, юридик ва жисмоний шахсларнинг ер участкаларидан фойдаланиш ҳуқуқ ва мажбуриятлари, ер фонди тоифалари бўйича ерларнинг ҳуқуқий ҳолатини аниқлаш, ер фондини халқ хўжалиги тармоқлари орасида оқилона тақсимлаш ва қайта тақсимлаш, ердан фойдаланиш ва ерларни муҳофаза қилиш устидан давлат назоратини амалга ошириш кўникмаларига эга бўлиши керак