Epigrafika, tangalarni o‘rganish bilan esa numizmatika

Eslab qoling! Astrolog (munajjim) – yulduzlar joylashuviga qarab kelajakni bashorat qilish bilan shug‘ullanadigan odam.
Xudo Ahuramazdaning saroy devoridagi tasviri - Persepol
_________________________________________________________________



21-§. Antik tarixning boshlanishi


Bolqon yarimoroli va O‘rtayer dengizi orollaridagi qadimgi yunon davlatlarining umumiy nomi Qadimgi Yunoniston deb atalgan. Shimol tarafidan tashqari, Qadimgi Yunonistonni O‘rtayer dengizi suvlari o‘rab turadi.
Yunoniston hududining uchdan bir qismini tog‘lar egallagan. Yunonistonning eng baland tog‘i Olimpdir. Bu tog‘ mamlakatning shimoli-sharqiy qismida joylashgan. Serunum dalalar faqat vodiylarda bo‘lgan. Tog‘lar o‘t-o‘lanlar va butalar bilan qoplangan. Yunonistonning shimolida va Peloponnesda yunonlar uchun nihoyatda qadrli bo‘lgan ninabargli o‘rmonlar o‘sgan. Yunonlar qadim zamonlardan dehqonchilik va chorvachilik bilan shug‘ullanishgan.