English for everybody

Ёддан чиқарманг!

Хол (яъни at the lesson каби сўзлар бирикмаси) гапнинг бошида эгадан олдин ҳам келиши мумкин.

Масалан :
At the lesson I speak English. — Дарсда мен инглизча
гапираман.
In the morning I went to school. — Эрталаб мен мактабга
бордим.
Шундай қилиб, сиз ҳурматли китобхон, инглиз тилида гапирганингизда энг аввал "эга", кейин "кесимни" қўйишни унутманг.
Қуйидаги усулда гап тузиш сизга сўз тартибини ўрганишга ёрдам беради.
1. I go. — Мен бораман.
2. I go to the office. — Мен офисга бораман.
3. I go to the office — Мен соат саккизда идорага
at eight o'clock. бораман.
4. I go to the office at eight — Мен ҳар куни соат саккизда
o'clock every day. офисга бораман.
5. I go to the office at eight — Мен ҳар куни эрталаб соат o'clock
every day in the morning. саккизда идорага бораман.

DAYS OF A WEEK
ҲАФТА КУНЛАРИ

Ҳурматли китобхон, сиз инглиз тили грамматикаси нуқтаи назаридан тўғри гаплар тузишни ҳам билиб олдингиз. Бунда сизга юқорида ўрганиб чиққан грамматик материал ёрдам берди, деб ўйлаймиз. Энди сизнинг олдингизда турган навбатдаги вазифа сўз бойлигингизни орттиришдир. Ўзингиз ўйлаб кўринг, инглиз тилида ўқий олсангиз ва ҳозирча қийналиб бўлса-да гаплар туза олсангиз-у, лекин фикрингизни ифодалашда қийналсангиз. Хўш, бунинг сабаби нимада экан? Бунинг сабаби жуда оддий. У ҳам бўлса сизнинг кўп сўзларни билмаслигингиздадир. Шунинг учун сизнинг эндиги вазифангиз сўз бойлигингизни оширишдан иборат бўлмоғи лозим.

Бироқ, сўзларни алоҳида олиб ёдласангиз уларни ёдда сақлаб қолиш ҳамда гаплар тузиш қийин. "Ундай бўлса, нима қилиш керак?" деган савол туғилиши табиий. Сўзларни ёдда сақлаб қолишнинг осон йўли уларни сўз бирикмаларида ва контекстда эслаб қолишдир.
Шунинг учун ҳам, азиз китобхон, биз қуйида кундалик ҳаётдаги оддий нутқий мулоқотда энг кўп учраб турадиган сўз ва сўз бирикмаларини улар қўлланиши мумкин бўлган мавзулар билан бирга келтириб ўтишни лозим топдик. Умид қиламизки, сиз уларни ёд олиб, ўз сўз бойлигингизни оширасиз.


Унутманг!
Ўрганилаётган сўзнинг таржимаси билан танишиб чиқишингиз биланоқ, у билан сўз бирикмаси ҳосил қилинг-да, уни энг оддий гап қурилмаси (структураси)да қўлланг.
Масалан:
tea— чой
green tea— кўк чой
black tea— қора чой

Give me some tea please. Менга бир оз чой беринг.

I like green tea. Мен кўк чойни ёқтираман.

Sunday Monday Tuesday Wednesday Thursday Friday Saturday

якшанба душанба сешанба чоршанба пайшанба жума шанба

on Sunday on Monday on Tuesday on Wednesday on Thursday on Friday on Saturday

якшанба кунида душанба кунида сешанба кунида чоршанба кунида пайшанба кунида жума кунида шанба кунида