Eng qadimgi odamlar vakillari va ulaning hayot tarzlari

Eng qadimgi odamlar hayot tarzi

Ular hayvonlarni o'zlashtirdilar va qishloq xo'jaligini o'zlashtira boshladilar, bu ularga ochlikdan qutulish va turli xil oziq -ovqat olish imkonini berdi. Oldingilardan farqli o'laroq, kromanyonlarning evolyutsiyasi ijtimoiy omillarning katta ta'siri ostida o'tdi (jamoa tuzish, o'zaro qo'llab-quvvatlash, ish faoliyatini yaxshilash, fikrlashning yuqori darajasi).

Qadimgi odamlarning mashg`ulotlari

• Qadimgi odamlar – mustye davri kishilari deb ham ataladi. Ular hali dehqonchilik va chorvachilikni bilishmagan. Mustye davri kishilari tirikchiligining asosini ovchilik va termachilik tashkil etgan. Bu davrda ovchilik oldingi davrlarga nisbatan ancha rivoj topgan edi. Mustye davri kishilari mamont, ulkan ayiq, fil, bizon – zubr, yovvoyi ot, bug`u, suv ayg`iri, g`oyal, los, qo`tos, qulon, tur, sher, yo`lbars, qoplon, tulki, bo`ri, to`ng`iz, chiyabo`ri kabi hayvonlarni ovlaganlar. Mamont, bizon, tur, ayiq, g`oyal, qo`tos kabi yirik hayvonlarni ovlash juda qiyin bo`lgan. Bunday hayvonlarni yakka holda yoki ozchilik bo`lib ovlash mumkin bo`lmagan. Bu hayvonlarni ovlashda ovchilar ko`pchilik bo`lib ovchilikning turli usullaridan foydalanganlar. Ba`zan hayvonlar podasini tog`larning tor daralariga qichqiriqlar bilan haydab borib qamab olganlar. So`ng tepadan ular ustiga tosh yog`dirib mayib qilganlar va o`ldirganlar.
• Tosh pichoqlar bilan ularning terisi shilinib, go`shtlari bo`laklarga bo`linib taqsimlangan. Ba`zan esa odamlar yovvoyi hayvonlarni chuqur jarliklar yoqasiga shiddat bilan quvib borib, olov bilan qo`rqitib o`zlarini jarlikka tashlashga majbur qilganlar. Yuqoridan jarlikka qulagan hayvonlarni so`yib, terisini shilib, go`shtini o`zaro bo`lishib olganlar. Yirik yovvoyi hayvonlarni ovlash vaqtida nayza, ayri, gurzi tayoq, katta-katta tosh bo`laklari va hayvonlarning yirik suyaklaridan foydalanganlar. Ov o`ngidan kelmagan vaqtlarda qadimgi odamlar odam go`shtini ham yeganlar. Bu fanda kannibalizm deyiladi. Odamlar hayvon go`shtini ovqat sifatida iste`mol qilgan bo`lsalar, terisini kiyim tariqasida ishlatganlar, polos tayyorlaganlar, chayla, kapalar ustini berkitishda foydalanganlar. Suyaklari va shoxlaridan har turli mehnat qurollari va uy-ro`zg`or buyumlari yasaganlar. Shunday qilib, ovchilik qadimgi odamlar tirikchiligining asosi bo`lgan.