Ёнfин хавфсизлиги

Ёнғин-техник экспертизасини тайинлаш тартиби. Дастлабки маълумотларни тайёрлаш / 2; 6; 7; 8/

Зарур ҳолларда экспертиза жиноят иши қўзғатилишидан олдин ҳам тайинланиши мумкин. Лекин, жиноят иши қўзғатилганидан кейин ҳам у фақат унга зарурат туғилган ҳоллардагина тайинланиши шарт.
Ёнғин-техник экспертизаси тайинланиши заруратини билдирувчи асосий нарса бу – терговчи ихтиёрида уни қизиқтираётган саволларга тадқиқот қилиш орқали жавоб бера оладиган маълумотларнинг мавжудлиги ва етарлилиги.
Экспертизанинг сифатли ўтиши учун эксперт ихтиёрига барча керакли ҳужжатларни тақдим қилишади:

• 
  ёнғин ҳақидаги Далолатнома;
  
• 
  назорат органлари (касаба уюшмалари, давтоғтехназорат ва ш.к.) техник инспекторларининг Хулосалари;
  
• 
  ДЁН органининг ёзма кўрсатмаси;
  
• 
  ёнғин бўлган жойни кўздан кечириш Баённомаси;
  
• 
  тергов экспериментлари баённомалари;
  
• 
  чизмалар, схемалар, фотосуратлар ва ш. к..
  

Агар эксперт ўтказилиши эксперт муассасасида ишламайдиган шахсга топширилаётган бўлса. Унда терговчи уни ўзининг ҳузурига чақириб олади ва унинг шахсини, мутахассислигини ҳамда ваколатдорлиги даражасини аниқлайди, шунингдек уни четлатиш учун (отвод бериш) асосларнинг мавжудлигини, хусусан унинг айбланувчи (гумон қилинувчи) ва жабрланувчи ораларидаги мавжуд муносабатларини ҳам аниқлайди. Терговчи экспертга Қарорни тақдим қиларкан, унинг мавжуд ҳуқуқлари ва мажбуриятларини (ЎзР ЖПКнинг 68-моддаси) тушунтириб беради ҳамда уни хулоса беришдан бўйин товлаш (ЎзР ЖКнинг 240-моддаси) ёки қасддан ёлғон хулоса берганлиги учун (ЎзР ЖКнинг 238-моддаси) жиноий жавобгарликка тортилиши мумкинлиги ҳақида хабардор қилади ва бу ҳақда Қарорга махсус белги қўяди, жумладан эксперт ҳам бу ҳақда таъкидланганлиги тўғрисида ўз имзосини қўяди. Агар ишнинг материаллари экспертиза ўтказилиши учун эксперт муассасасига юборилаётган бўлса, унда бу ҳақда эксперт муассасасининг раҳбари таъкидланади. Экспертнинг жавобгарлик ҳақида таъкидланганлиги тилхати қарорнинг кириш қисмида ёки қарорга илова қилинаётган махсус тилхатда расмийлаштирилади.

49.