Ёнfин хавфсизлиги

40. Катта ва мураккаб ёнғин ўчириш таянч масканининг асосий вазифалари /3/
Катта ва мураккаб ёнғин ўчириш таянч масканларининг асосий вазифалари қуйидагилардан иборат:
а) навбатчи сменаларнинг ҳар доим ёнғинга қарши тайёргарлигини таъминлаш;
б) ёнғинни ўчириш, фалокат ва табиий офат вақтида шаҳар ва туманда шунга тегишли хизматга ёрдам кўрсатиш;
в) ёнғинга қарши сув хўжалиги, алоқа воситалари ва машиналар ўтадиган йўлларнинг созлигини назорат қилиш;
г) шаҳар (корхона) ва туманни қўриқлайдиган бошқа махсус хизмат билан доимо алоқада бўлиш;
д) қўшни вилоят ва республикаларда рўй берган ёнғинни ўчиришга ёрдам бериш.
Хизмат кўрсатиш ҳудудида ўз вақтида ва тезкорлик билан керакли куч ва воситаларни тўплаш мақсадида таянч маскани ташкил қилинади ва қуйидагиларни таъминлайди:
а) таянч маскани ва хизмат кўрсатадиган ҳудуд бўлинмаларидаги ёнғин ўчириш техникаси, моддий техник воситаларни жанговар ҳолатда тутиш;
б) таянч масканининг тезкор ҳужжатларини ишлаб чиқиш;
в) хизмат кўрсатиш ҳудудида жойлашган ёнғиин хавфсизлиги қисмлари шахсий таркибини махсус автомобилларда ишлатишга ўргатиш;
г) шахсий таркибни тўплаш, захирадаги автомобилларни, жанговар ҳисобини тўлдириш;
д) барча шахсий таркиб билан жанговар ҳаракат режасини ишлаб чиқиш;
е) ёнғин ўчиришга жалб қилинадиган бошқа махсус хизматлар билан биргалашиб ҳаракат режасини ишлаб чиқиш.


41. Таянч масканининг моддий техника таъминоти /3/
Белгилаб қўйилган жадвалга биноан таянч маскани ёнғин ўчириш техникаси ва моддий техника воситалари билан таъминланади. (ИИВнинг №467 сонли буйруғи, 2-илова.)
Таянч масканининг моддий техника базасини қуйидагилар ташкил қилади:
а) ҳаракатдаги захира ва жанговар ҳисобдаги асосий ва махсус ёнғин ўчириш техникаси;
б) гарнизондаги моддий-техника ва радиотехника воситалари.
Махсус автомобиллар (автонарвон, кўпикли ёнғин ўчириш автомобили ва бошқалар) жанговар ҳисобда туриши керак.
Қайси гарнизон негизида таянч маскани ташкил қилинган бўлса, (диспетчер) алоқа маскани хизмати билан алоқа тармоғи тузилади, вилоят ёнғин хавфсизлиги марказий алоқа тармоғи, ҳудуд хизматидаги қисмлар ва қўшни таянч маскани билан доимо телефон ва радиоалоқа қилиб турилади ҳамда халқ хўжалигининг энг муҳим корхоналари билан бевосита телефон алоқаси ўрнатилади.
Таянч маскани негизида газ ва тутундан ҳимоялаш хизмати ташкил қилинади, ўқув-машғулот полигони (майдони) жиҳозланади.
Белгиланган жадвалга мувофиқ таянч масканида бор бўлган ёнғин ўчириш техникаси, асбоб-ускуна ва моддий-техника воситалари таянч масканининг дахлсиз базаси ҳисобланади, белгиланган жойда сақланади ва ушбу Низомда кўрсатилган тартибда фойдаланилади.