Elementlarning zamonaviy davriy jadvali, elementlarning davriy xususiyatlari

E_s < E_p < E_d < E_f
Shu sababli energetik pogʻonalar energetik pogʻonachalarga boʻlinadi.
Energetik qavatlar (pogʻonalar) pogʻonachalarga, pogʻonachalar esa orbitallarga boʻlinadi.
II. Orbital kvant soni - ℓ. Pogʻonachalardagi elektronning energiyasini va elektron bulutning shaklini harakterlaydi:
ℓ = 0, s - pogʻonacha deyiladi; ℓ = 1, p - pogʻonacha deyiladi;

ℓ = 2, d - pogʻonacha deyiladi;

ℓ=3 boʻlsa f - pogʻonacha deyiladi. f- elektron bulutlar yanada murakkab shaklga ega.
Orbital kvant soni 0 dan n -1 gacha boʻlgan qiymatlarni qabul qiladi va lotin alifbosining kichik harflari: s, p, d, f, g, h va h.z bilan belgilanadi.
Elektron pogʻonachalarning belgilari ularga mos keluvchi atom spektr chiziqlarining bosh harflaridan (Masalan; s-pogʻonacha „ sharp” soʻzining bosh harfidan, p-pogʻonacha „prinsipal” soʻzining bosh harfidan, d - pogʻonacha„ diffuse” soʻzining bosh harfidan, f-pogʻonacha „fundamental” soʻzining bosh harflaridan) olingan.
Orbital kvant soni ba’zan yordamchi kvant soni yoki azimutal kvant soni deb ham nomlanadi.
n=1 boʻlsa, birinchi pogʻona uchun orbital kvant sonining yagona qiymati ℓ= 0 muvofiq keladi. Birinchi pogʻona faqat 1s pogʻonachadan iborat.
n=2 boʻlsa, 2-pogʻona uchun orbital kvant sonining ℓ=0 (s) va ℓ=1 (p) qiymatlari muvofiq keladi, 2 - pogʻona 2s va 2p pogʻonachalarga boʻlinadi. n=3 boʻlsa, 3-pogʻona uchun orbital kvant soni ℓ=0 (s), ℓ=1 (p), va ℓ=2 (d) qiymatlarini qabul qiladi va 3-pogʻona 3s, 3p va 3d pogʻonachalarga boʻlinadi.
n=4 boʻlsa, 4- pogʻona uchun orbital kvant soni ℓ=0 (s), ℓ=1 (p), ℓ=2 (d), va ℓ=3 (f) ga teng boʻlgan qiymatlarni qabul qiladi va 4-pogʻona 4s, 4p, 4d va 4f pogʻonachalarga boʻlinadi va h.z.