"elektron tijorat va raqamli iqtisodiyot" kafedrasi "iqtisodiyotda axborot komplekslari va texnologiyalari"

Avvalo – boshqaruv barcha jarayonlarini barqarorlashtirish va unifikatsiya.
ERP guruhidagi tizimlar o‘zida boshqaruvning integrallashgan tizimini ifoda etadi, 
ya’ni:
–
ishlab chiqarish jarayonlari bilan bevosita bog‘liq bo‘lmaydi, texnologik 

---

140 
jarayonlarni boshqarish avtomatlashtirilgan tizimi hisoblanmaydi, ammo, texnologik 
jarayon modeli bilan ishlash xususiyatiga ega bo‘ladi;
–
uning ishlari korxona faoliyatini yaxshilashda, ish joylaridan kiritilgan 
axborotlar asosida material va moliyaviy oqimlarni optimallatirishdan iborat bo‘ladi;
–
bir tizimda xom-ashyo sotib olishdan boshlab, iste’molchiga mahsulotni 
yuklash bilan tugallanadigan ishlab chiqarish korxonasining barcha faoliyatini 
rejalashtirish va boshqarishni qamrab oladi;
–
axborotlar vujudga keladigan bo‘linmadan bir marta kiritiladi, bir joyda 
saqlanadi va manfaatdor bo‘linmalar tomonidan ko‘p marta foydalaniladi. 
Boshqacha aytganda, ERP-tizimlarni qo‘yilishi – kompaniya turli bo‘linmalari 
kelishuviga erishish, bu esa ma’muriy ushlanib qolishlarni sezilarli tushirish va 
butunlay korxona yagona tizimda ishlaganligidan turli ilovalar uchun ma’lumotlar 
integratsiyasi muammolarini bartaraf etishga imkon beradi.
Xarajatlarni tushirish va raqobatdoshlikni oshirish
. ERP-tizimlardan 
foydalanish kompaniyani biznes-jarayonlarni optimallashtirish hisobiga raqobatchilar 
oldida jiddiy ustunliklarga va opreativ xarajatlarni sezilarli tushirishga olib keladi. 
Boshqaruv tizimlari aniq foydalarga olib keluvchi mahsulot tannarxini nazorat qilish 
uchun yaratilgan. Tizimga boshidanoq rejalashtirish va boshqaruv usullari qo‘yilgan 
bo‘lib, quyidagilarga iimkon beradi:
–
defitsit yoki ortiqchalilikni bartaraf etib mahsulotlar miqdorini tartibga 
solish, bu saqlash xarajatlarini tushirishga imkon beradi;
–
ishlab chiqarish jarayonlarini aniq mahsulotga bo‘ladigan talablarni o‘sishi 
yoki kamayishiga mos holda rejalashtirish;
–
korxonada mavjud bo‘lgan ish quvvatini tahlil qilish asosida buyurtmalarni 
bajarish imkoniyatini baholash;
–
ishlab chiqarishda moddiy va vaqtinchalik xarajatlarni qisqartirish yo‘li 
bilan biznes-jarayonlarni optimallashtirish;
–
har bir ishlab chiqarish birligini haqiqiy ishlab chiqarilishini kuzatib borish 
va tahlil qilish,uni rejadagi ishlab chiqarish bilan solishtirish va ishlab chiqarish 
rejasida tahrir va o‘zgarishlarni tezkor kiritish;
–
ishlab chiqarish sikli va buyurtmani bajarish vaqtini kamaytirish yo‘li bilan 
talablarni ta’sirchan e’tiborga olish;
–
etkazib berishlarni o‘z vaqtida bajarilishi va servislarni optimallashtirish 
hisobiga mijoz va buyurtmachilar ishonchi darajasini oshirish.