Электрон тахеометр

Электрон тахеометрия қуйидаги топографик-геодезик ишлар турларини бажаришда самарали қўлланилади

• кўп мақсадли геодезик тармоқларни барпо этиш;
• топографик ва кадастр съёмкаларни бажариш;
• ер участкалари чегараларини ўрнатиш ва бошқа ер тузиш ишларини амалга ошириш;
• турли муҳандислик-геодезик қидирув ишларини олиб бориш.

Электрон тахеометрия усули орқали топографик ва кадастр съёмкалар бажариш, ер участкалари чегараларини ўрнатиш ишларини амалга ошириш технологик жараёни қуйидагича:

• Тайёргарлик ишлари босқичида асбобдан фойдаланиш йўриқномасига кўра электрон тахеометрнинг мажмуавий текширишлари амалга оширилади, зарурият туғилган ҳолда тузатишлар киритилади, асбобнинг комплектацияси кўздан кечирилади.
• Иш объектининг рекогносцировка босқичида давлат геодезик тармоқлари ва зичлаш геодезик тармоқлари пунктларининг ҳолатлари, бошланғич пунктлар, планли асос нуқталари сифатида уларни қўллаш имконияти баҳоланади ва ушбу пунктларда электрон тахеометрларда кузатишларни олиб бориш шароитлари кўриб чиқилади.
• Электрон тахеометрлар ёрдамида съёмка асос тармоқларини ривожлантириш босқичида съёмка қилиниши керак бўлган барча объектлар ва тафсилотлар, марза белгилари ўринларини аниқлашни таъминлай оладиган зичликда геодезик асос зичлаштирилади.
• Топографик(кадастр) съёмка электрон тахеометр ёрдамида “съёмка” режимида бажарилади.
• Ер участкалари чегараларини жойга кўчириш “режалаш” режимида амалга оширилади.
• Дала ўлчаш натижаларини ишлаб чиқиш босқичида маълумотлар интерфейс кабели орқали шахсий компьютерга юкланади. Махсус дастурий маҳсулотлар CREDO, AutoCAD ва бошқалар орқали съёмка материаллари назоратдан ўтказилади ва тузатилади. Сўнгра топографик ёки кадастр плани чизилиб, ер участкасининг юзаси аниқланади ва барча ҳужжатлар расмийлаштирилади.

• Электрон тахеометрлар ҳақида маълумот.

• Тахеометрлар ҳозирги пайтда ишлаб чиқарилаётган электрон тахеометрлар (электрон тахеометрик станциялар) ўлчаш - ҳисоблаш мажмуасидан иборат бўлиб, унга ихчам масофа ўлчаш электрон дальномери, горизантал ва вертикал бурчакларни ўлчаб, натижасини табло (монитор)га чиқариб ва бирданига хотирага ёзиб қайд қилувчи электрон мослама, ҳамда натижаларни дастлабки ишлаб чиқиш учун кичик компьютерлар киради.
• Электрон тахеометрлар энг оммавий бўлиб, бугунги кунда кўп чет эл фирмалар томонидан ишлаб чиқарилмокда ва улар системали ҳамда кундалик съёмкаларда ишлатиладиган асбобларга бўлинади ва бир-биридан аниқлиги, имкониятлари хамда автоматлаштирилган даражасига караб фарқ қилади.
• Бугунги кунда электрон тахеометрлар маълум аниқлик диапазонини камраб оладиган бир авлод асбобларининг серияли қилиб чиқарилмокда. Ҳар бир серияда кўрсатилган диапазон доирасида аниқлиги, автоматлаштириш даражаси ва кўшимча функцияларнинг ҳар хил тўплами бўйича фарқланадиган бир неча модификацияси бўлади.

• тахеометрлар

• TPS400, TPS 800, TPS 1100

•  “Leica” (Швейцария) томонидан ишлаб ТСМ – моторлаштирилган тахеометрик станциялар;
• ТСR – қайтаргичсиз ўлчашларни бажариладиган тахеометрлар;
• ТСМR - қайтаргичсиз ўлчашларни бажариладиган моторлаштирилган тахеометрлар;
• ТСА – моторлаштирилган қайтаргични автоматик тарзда кузатадиган тахеометрлар.
• TPS 400, TPS 800, TPS 1100 серияли электрон тахеометрлар қатор афзалликларга эга бўлиб, бир - бирларидан ўлчаш аниқлиги ва айрим имкониятлари билан фарқ қиладилар.

• TPS серияли электрон тахеометрлар афзалликлари.
• TPS серияли электрон тахеометрларда қуйидаги афзалликлар мужассамлашган:
• Уч синф аниқлиги - ўлчаш аниқлигига қараб мавжуд сериянинг қаторида керакли моделни танлаш.
• Ўлчашларни тез бошлаш - асбобни алоҳида тузилган сценария бўйича (загрузка) қилиш, тахеометр ишлашининг бошида барча сизнинг буюртмаларингизни автоматик равишда киритади (загрузка килади);
• 10000 та ўлчашлар - ишончли ўрнатилган хотира 10000та блоклар маълумотини сақлаш қобилиятига эга;
• Узлуксиз каратиш винти - нишонга қаратишда винтни махкамлаш ва бўшатиш ҳожати йўқ;
• Лазер шовуни - лазер шовун туфайли асбобни оптик центрирга нисбатан анча тез марказлаштириш мумкин;
• Электрон кўрсаткичи - режалаш ишларини бажаришда жуда қулай, рейкачи электрон кўрсатгичи бўйича створга қайтаргични аниқ қуйиш имкониятига эга бўлади

• 2-расм – шакл. Leica электрон тахеометри

• TPS 800 серияли электрон тахеометрлар билан эса юқорида қайд этилган ишлардан ташқари ориентирлаш, тескари масалани ечиш, лойиҳани жойга кўчириш, кўринмайдиган нуқталарни ўлчаш ва бошқ. ишларни амалга ошириши мумкин.
• ТРS 1100 серияли электрон тахеометрлар қўшимча амалий дастурлар билан таъминланганлиги туфайли, улар юқори унумли ҳисобланади ва алоҳида масалаларни ечишга, шунингдек асбобларнинг ишлаш қобилиятини оширишга қаратилган.

• Trimble 3600 серияли электрон тахеометрларнинг афзаллиги.

• Trimble 3600 серияли электрон тахеометрларнинг афзаллиги:
• Ишлаш учун соддалиги;
• Дастурлар тўпламини кенглиги;
• Қўлланадиган интерфейснинг хилма – хиллиги;
• GPS асбоблар билан интеграцияллашуви;
• DR - системада қайтаргичсиз ўлчашларни бажара олиши;
• Quiск Drive системада махкамловчи винтсиз кузатишларни амалга ошириш;
• Эргономикли ўлчаш клавишаларнинг мавжудлиги.