Elektron ko`rgazmali vosita fan: “Onalikda hamshiralik parvarishi”. Mavzu: ayol jinsiy a'zolarining anatomiyasi va fiziologiyasi

P.F.BOROVSKIY NOMLI TIBBIYOT KOLLEJI
Kafedra: “Akusherlik va ginekologiya”
ELEKTRON KO`RGAZMALI VOSITA
FAN: “Onalikda hamshiralik parvarishi”.
MAVZU: AYOL JINSIY A'ZOLARINING ANATOMIYASI VA FIZIOLOGIYASI
O`qituvchi: Alimova N.A
Toshkent-2016
Maqsad:

• Ayol jinsiy a`zolari anatomiyasi haqida ma'lumotlarni rivojlantirish;
• Markaziy asab sistemasining jinsiy a`zolar faoliyatini boshqarishdagi ahamiyatini tushunish.
• Ayol gigiyenasi, uning hayot faoliyati va rivojlanishi uchun muhimligi to`g`risida ma`lumotlarni tahlil qilish.

Reja:
Qinning tozalik darajalari
Ayol gigiyenasining hususiyatlari
Ayolning tashqi va ichki jinsiy a'zolari tuzilishi va vazifalari.
Mo'tadil (normal) hayz ko'rish davri
Ayol jinsiy a'zolari tashqi va ichki jinsiy a'zolarga ajratiladi. Tashqi jinsiy a'zolar asosan jinsiy his a'zolari hisoblanadi; ichki jinsiy a'zolar homilani yetiltirish va bola tug'ish funksiyasini o'taydi.
Tashqi jinsiy a'zolarga qov, katta va kichik (uyatli) jinsiy lablar, klitor, qin dahlizi, uning katta bezlari — Bartolin bezlari kiradi. Tashqi va ichki jinsiy a'zolar o'rtasidagi chegara qizlik pardasi (hymen) hisoblanadi.
Qov (mons pubis) simfizning oldingi va yuqori tomonida joylashgan, teri ostidagi yog' qatlami qalin bo'ladigan uchburchak tepacha (qov do'mbog'i) dan iborat.
Tashqi jinsiy a`zolar

Ayolning tashqi jinsiy a'zolari: 1-qov; 2-klitor; 3-siydik chiqarish kanali (uretra)ning tashqi teshigi; 4- qizlik pardasi; 5- qin kirish qismi; 6- kichik jinsiy lab; 7-katta jinsiy lab; 8-orqa bitishma; 9-oraliq; 10-orqa chiqaruv teshigi.

Qovning yuqori chegarasi terining ko'ndalang egatchasidan iborat bo'lib, qov usti burmasi deb ataladi; qovdan o'ng va chap tomonda qov burmalari bor, qov orqa tomondan katta jinsiy lablarga qo'shilib ketadi. Qovni jun bosgan. Voyaga yetgan ayolda qovdagi junning yuqori chegarasi gorizontal chiziq shaklida bo'ladi. Bunga qarama-qarshi o'laroq erkaklarda qov junining yuqori chegarasi yuqoriga tomon o'tkirlanib, qorinning oq chizig'i bo'ylab ba'zan kindikkacha boradi. Bolalik davrida qov junsiz bo'ladi, keksalik davrida esa qovdagi jun siyraklashib qoladi.