Elektron asboblar va mikroelektronika

YUqori omli va yuqori vol’tli rezistorlar
YUqori omli rezistorlar boshqalardan nominal sochilish quvvatining past darajadaligi (o`nlab millivatt va undan kichik tartibda) bilan farq qiladi. Ularning qarshiligi bir necha megaomdan minglab gigaomgacha boradi. Bu rezistorlarning aniqligi ±(5÷30)%, QTK≈10-3, –1/0C, ishchi kuchlanishi bir necha yuz vol’t, ishlash muddati oxirida qarshilikning o`zgarishi 10÷30%. YUqori megaomli rezistorlar o`lchash REAlarida (past chastotali ancha kuchsiz toklarni o`lchashda, nurlanish dozimetrlarda va b.) ishlatiladi.
YUqori vol’tli rezistor o`nlab kilovol’t tartibdagi chegaraviy ish kuchlanishiga, bir necha yuz kiloomdan o`nlab gigaomgacha nominal qarshilikka, 10÷20 % aniqlikka ega, QTK≈10-3·1/0C va ishlash muddati oxirida qarshiligi 10÷25 % ga o`zgarishi mumkin. Nominal sochilish quvvati bir necha o`n millivattdan o`nlab vattgacha boradi. Bu rezistorlar uzatuvchi va boshqa REA larning yuqori vol’tli zanjirlarida kuchlanish bo`lgichlar, kuchlanish yutgichlar va boshqalar sifatida ishlatiladi.
Maxsus ishlarga mo`ljallangan rezistorlarning ishlash printsipi (1.6–rasm) qarshilikning qo`yilgan kuchlanishga (varistorlar), yorug’likka (fotorezistorlar), temperaturaga (termorezistorlar) yoki quvvatga (termistorlar) qarab o`zgarishiga asoslangan. Ular odatda, o`lchagichlar, stabilizatorlar va turli xil signallarni elektr signallariga aylantirgichlar sifatida ishlatiladi va ulardan avtomatika va telemexanika apparaturalarida, shuningdek, o`lchov va indikator REAlarda foydalaniladi.
Nazorat uchun savol:

1. 
   Rezistorning vazifasini tushuntiring.
   
2. 
   Qarshilikni xisoblash formulasini keltirib chiqaring.
   
3. 
   Yarimo`tkazgichliu rezistorlarning ishlash prinsipini tushuntiring.
   
4. 
   Yarimo`tkazgichli rezistorlarning tuzulishini tushuntiring.
   

1.4. MAVZU: TRANZISTORLAR


Reja:
1) Bipolyar tranzistorlar