Электр таъминоти ва электр тармоšлари

2.3-боб. Кучланиши 220 кВ гача бўлган кабель линиялари


Қўллаш доираси, тушунчалари.

2.3.1. Қоидаларнинг ушбу қисми Кучланиши 220 кВ гача бўлган кабель линияларига, шунингдек, назорат кабеллари ёрдамида бажарилган линияларга нисбатан қўлланилади. Кабель линиялари учун қўшимча талаблар ЭУТҚ VII бўлим 7.3, 7.4 ва 7.7 бобларда келтирилган.

2.3.2. Кабель линияси деб бир-бирига улайдиган, беркитувчи ва охирида учлик муфталари мавжуд бўлган бир ёки бир нечта параллел кабеллардан ташкил топган электр энергиясини ёки унинг алоҳида импулслари узатувчи линияга айтилади. Шунингдек, мой тўлдирилган кабелларда мой билан таъминловчи аппаратлари ва мой босими сигнализация тизими ҳам бўлади.
2.3.3. Кабель иншоати (кабельным сооружением) деб, унда кабеллар, кабель муфталари, шунингдек, мой билан тўлдирилган кабель линияларининг нормал ишлашини таъминловчи мой билан таъминловчи аппаратлар ва бошқа қурилмалар жойлаштириш учун маxсус иншоатга айтилади.
Кабель иншоатларига қуйидагилар киради: кабель туннеллари, каналлар, қутилар, блоклар, шахталар, қаватлар, иккита поллар, эстакадалар, галереялар, камералар, таъминот пунктлари.
Кабель туннели деб, кабелларни ва кабель муфталарини жойлаштириш учун ўрнатилган таянч конструкциялар жойлашган ёпиқ бино (коридор) тушуниладики, бунда бутун узинлиги бўйлаб эркин ҳаракатланиш, кабелларни ётқизиш, кабель тармоқларини таъмирлаш ва кўрикдан ўтказиш мумкин.
Кабель канали деб, ёпиқ ва ерга, заминга, қопламага ва бошқаларга қисман ёки тўлиқ кўмилган иншоат тушунилади. Бу ҳаракатланиш имкони бўлмаган иншоат, лекин улар кабелларни жойлаштириш, ўрнатиш, текшириш ва таъмирлаш учун мўлжалланган. Бу ишлар фақатгина каналларни устини очган ҳолда бажарилиши мумкин.
Кабель шахтаси деб, одатда тўғри тўртбурчак кесимли вертикал кабель иншоати тушунилади. Унинг баландлиги кесимидан бир неча марта кўпроқ бўлиб, одамлар ҳаракатланиши учун тутқич ёки зина билан жиҳозланган ёки тўлиқ/қисман олинадиган шахтадир.
Кабель қават деб, пол билан унинг чиқиб турувчи қисмлари орасидаги масофа 1,8 м дан кам бўлмаган, пол ва тўсиқ ёки қоплама билан чегараланган бинонинг бир қисми тушунилади.